“पूरग्रस्तांच्या मदतीत भाजपा कमी पडणार नाही”

मुक्तपीठ टीम

कोकण आणि पश्चिम महाराष्ट्रातील पूरग्रस्तांना भारतीय जनता पार्टीकडून सर्वतोपरी मदत केली जात असून राज्याच्या विविध भागातून २० ते २५ ट्रक मदत सामग्री पूरग्रस्त भागात पाठविली जात आहे. पूरग्रस्तांच्या मदतीत भाजपा कमी पडणार नाही, अशी ग्वाही माजी मुख्यमंत्री आणि विरोधी पक्षनेते देवेंद्र फडणवीस यांनी शनिवारी दिली.

भाजपा प्रदेश कार्यालयात फडणवीस यांच्या प्रमुख उपस्थितीत भाजपा नेते कृपाशंकर सिंग यांच्या तर्फे पूरग्रस्तांसाठीचे मदत साहित्य रवाना करण्यात आले. या प्रसंगी फडणवीस बोलत होते. ते म्हणाले की, पूरग्रस्त भागासाठी भाजपाच्या कार्यकर्त्यांकडून राज्यभरातून मदतीचा ओघ सुरु आहे. भाजपा कार्यकर्ते पुरग्रस्तांच्या मदतीत काहीही कमी पडू देणार नाहीत.

कृपाशंकर यांनी आपल्या वाढदिवसाच्या निमित्ताने हे मदत साहित्य पाठविले आहे. भांडी कुंडी, अन्न पदार्थ, कपडे, पिण्याचे पाणी याबरोबरच सायकलीही पाठवण्यात आल्या आहेत. या कार्यक्रमाला मुंबई भाजपा अध्यक्ष मंगलप्रभात लोढा, भाजपा प्रदेश उपाध्यक्ष राज पुरोहित, सुनील कर्जतकर, मुख्य प्रवक्ते केशव उपाध्ये, माजी आमदार अतुल शाह, उत्तर भारतीय मोर्चाचे प्रमुख संजय पाण्डेय आदी उपस्थित होते.