पोलचा महापोल: यूपीत योगी, पंजाबात झाडू, गोव्यात हात! मणिपुरात कमळ, उत्तराखंडमध्ये अटीतटीचा सामना!!

मुक्तपीठ टीम

संपूर्ण देशाचे लक्ष लागून आहे ते पाच राज्यांच्या निवडणूक निकालांकडे. दोन दिवसातच निवडणुकांचे निकाल लागणार आहेत. त्याआधी एक्झिट पोलचे आकडे समोर आले आहे. पाच राज्यांच्या विधानसभा निवडणुकीत उत्तर प्रदेशची सर्वाधिक चर्चा झाली. या उत्तर प्रदेशातल्या एक्झिट पोलमधून पुन्हा भाजपची सत्ता येईल असा अंदाज वर्तवण्यात आला आहे. १२ पैकी १० एक्झिट पोलमध्ये भाजपाला बहुमत मिळाल्याचे स्पष्टपणे दिसून आले. त्याचवेळी, उरलेल्या दोन एक्झिट पोलपैकी एका पोलमध्ये सपाचे सरकार येण्याचा अंदाज वर्तवला आहे तर दुसऱ्या पोलमध्ये भाजपा-सपा यांच्यात अतीतटीची लढत होण्याची शक्यता वर्तवण्यात आली आहे. त्याचवेळी पंजाबमधील काँग्रेसची सत्ता आपच्या झाडूने जाताना दिसत आहे. उत्तराखंडमध्ये सत्ताधारी भाजपाची काँग्रेसशी अटीतटीची सत्तास्पर्धा दिसत आहे. मणिपूरमध्ये भाजपा सत्ता टिकवेल असे दिसत असले तरी काही पोलमध्ये काँग्रेस सहकारी पक्षांच्या मदतीने सत्तास्पर्धेत असेल असे दिसते. गोव्यात नऊपैकी सात पोल्समध्ये काँग्रेसला बहुमत दाखवले आहे, तर फक्त दोन पोल्स भाजपाची सत्ता टिकताना दाखवत आहेत.

पाच राज्यांमधील मतदानानंतर सोमवारी एक्झिट पोलचे अंदाज वर्तवण्यात आले. सर्व पोल्सचा अंदाज घेतला असता एक पोलचा महापोल माध्यमांमधून प्रसारीत होत आहे. त्या महापोलनुसार व्यक्त झालेले अंदाज पुढील प्रमाणे आहेत.

१) उत्तर प्रदेश

एक्झिट पोलच्या सर्वेक्षणानुसार उत्तर प्रदेशात पुन्हा एकदा योगी सरकार येण्याचा अंदाज वर्तवण्यात आला आहे. २०१७ च्या विधानसभा निवडणुकीत भाजपा आघाडीला ३२५ जागा मिळाल्या होत्या, तर यावेळी जवळपास १०० जागा कमी होताना दिसत आहेत. १२ पैकी १० एक्झिट पोलमध्ये भाजपा सरकार स्थापन झाल्याचे दिसत आहे, तर केवळ एका पोलमध्ये समाजवादी पक्षाला बहुमत मिळाल्याचे दिसून आले आहे. राज्यात भाजपा सरासरी २३८ जागा जिंकत असल्याचे दिसत आहे.

उत्तर प्रदेशचा महापोल
अपेक्षित जागा

भाजपा+ २३८
सपा+ १४७
बसपा+ ११

२. पंजाब

एक्झिट पोलच्याआधारे पंजाबमध्ये आम आदमी पक्षाला (आप) बहुमत मिळण्याची दाट शक्यता वर्तवण्यात आली आहे. ७०+ जागा मिळण्याचा अंदाज आहे. सत्ताधारी काँग्रेसला राज्यात केवळ २२-२५ जागा मिळण्याचा दावा केला जात आहे. पंजाबमध्ये, १० पैकी केवळ एका एक्झिट पोलमध्ये काँग्रेसला पूर्ण बहुमत मिळाल्याचे दिसून आले आहे. त्याच वेळी, एकामध्ये ते सरकार स्थापनेच्या जवळ असल्याचे सांगण्यात आले. मात्र, उर्वरित आठ एक्झिट पोलमध्ये आम आदमी पार्टी आघाडीवर राहण्याचा अंदाज वर्तवण्यात आला आहे. यापैकी पाचमध्ये ‘आप’ला पूर्ण बहुमत दाखवण्यात आले आहे.

पंजाबचा महापोल
अपेक्षित जागा

काँग्रेस ३१
आप ६२
अकाली+ १९
भाजपा+ ०४

३. उत्तराखंड

उत्तराखंडमध्ये काँग्रेस आणि सत्ताधारी भाजपामध्ये अटीतटीची लढत पाहायला मिळणार आहे. ७० जागांच्या विधानसभेत भाजपाला सरासरी ३४ जागा मिळण्याची शक्यता आहे. म्हणजेच राज्यात दुसऱ्यांदा भाजपाचे सरकार स्थापन होण्याचा मार्ग अवघड आहे. त्याचवेळी गेल्यावेळेच्या तुलनेत काँग्रेस यावेळी अधिक मजबूत असल्याचे दिसत आहे. ११ पैकी सहा एक्झिट पोलमध्ये भाजपापेक्षा काँग्रेस आघाडीवर आहे. यापैकी दोन ठिकाणी काँग्रेसला बहुमत मिळण्याची अपेक्षा आहे. उत्तराखंडमधील इतर पक्षांची स्थिती अत्यंत वाईट आहे. आम आदमी पक्षाला (आप) एक्झिट पोलमध्ये केवळ एक जागा मिळाल्याचे दाखवण्यात आले आहे, तर बसपासह इतरांना दोन-तीन जागा मिळाल्याचे दिसत आहे.

उत्तराखंडचा महापोल
अपेक्षित जागा

भाजपा ३४
काँग्रेस ३३
आप ०१

४. गोवा

गोव्याने जाहीर केलेल्या एक्झिट पोलवरून या राज्यात ४० विधानसभेच्या जागा असलेल्या भाजपा आणि काँग्रेसमध्ये चुरशीची लढत होणार असल्याचे स्पष्ट झाले आहे. नऊपैकी दोन एक्झिट पोलमध्ये भाजपाने आघाडी दाखवली आहे, तर काँग्रेस सात पोलमध्ये आघाडीवर आहे. यापैकी एका मतदानात काँग्रेसने बहुमताचा आकडा ओलांडल्याचे दिसून आले आहे. दुसरीकडे, गोव्यात महाराष्ट्रवादी गोमांतक पक्ष (एमजीपी) तीन ते पाच जागा मिळण्याची शक्यता आहे, तर आपला एक ते चार जागा मिळू शकतात. विशेष म्हणजे या राज्यात बहुमताचा आकडा २१ जागांचा आहे.

गोव्याचा महापोल
अपेक्षित जागा

काँग्रेस १८
भाजपा १५
एमजीपी+ ०३

५. मणिपूर

एक्झिट पोलच्या सर्वेक्षणानुसार मणिपूरमध्ये सत्ताधारी भाजपा पुन्हा सरकार स्थापन करण्याच्या मार्गावर आहे. त्याचवेळी भाजपाच्या तुलनेत काँग्रेसला जेमतेम निम्म्या जागांवर समाधान मानावे लागू शकते. काही सर्वेक्षणांनी भाकीत केले आहे की भाजपा सर्वात मोठा पक्ष असेल, परंतु बहुमताच्या आकड्यापासून दूर राहील. अशा परिस्थितीत एनपीएफ-एनपीपीसह इतर राजकीय पक्ष राज्यात स्थिर सरकार स्थापन करण्यात महत्त्वाची भूमिका बजावू शकतात.

मणिपूरचा महापोल
अपेक्षित जागा