*मनोरंजन महत्त्वाचं* : 1. ‘मुंबई सागा’ हा गुन्हेगारी विश्वावर आधारित चित्रपट लवकरच प्रेक्षकांच्या भेटीला येणार आहे. जॉन अब्राहम आणि इमरान हाश्मी या चित्रपटात एकत्र दिसणार आहेत. मुंबईतल्या गुन्हेगारी विश्वावर अनेक चित्रपट बनले आहेत. आता त्या आधारित पुन्हा एक नवीन चित्रपट येत आहे. या चित्रपटाच्या प्रदर्शनाची तारीख नुकतीच समोर आली आहे. 2. अभिनेत्री करीनाने दुसऱ्या बाळाला जन्म दिल्यानंतर सोशल मीडियावर पहिल्यांदा पोस्ट शेअर केली आहे. करीनाची ही पोस्ट सोशल मीडियावर चर्चेत आहे. आज करीनाला रुग्णालयातून डिस्चार्ज देण्यात आला आहे. 3. सैफ अली खानचा आगामी चित्रपट ‘भूत पोलिस’चे पोस्टर रिलीज करण्यात आले आहे. या सिनेमात सैफसोबत, अर्जुन कपूर, जॅकलिन फर्नांडिस आणि यामी गौतम हे कलाकार पाहाण्यास मिळणार आहेत. जॅकलिनने तिच्या इन्स्टाग्राम अकाऊंटवर सिनेमाचं पोस्टर शेअर केले आहे. १० सप्टेंबरला हासिनेमा रिलीज होणार आहे. 4. सध्या सोशल मीडियावर कॉमेडियन कपिल शर्माचा एक व्हिडीओ व्हायरल झाला आहे. नुकतीच कपिल शर्माने मुलाखत दिली. या मुलाखतीमध्ये त्याला सोशल मीडियावर व्हायरल झालेल्या व्हिडीओबाबत विचारण्यात आले होते. त्यावर त्याने ‘माझी तब्बेत ठिक आहे. जीममध्ये वर्कआऊट करताना पाठिला दुखापत झाली आहे. मी काही दिवसांमध्ये ठिक होईन’ असे उत्तर दिले. 5. महाभारतातील एक वीर योद्धा कर्ण यांच्या आयुष्यावर आधारित चित्रपट प्रेक्षकांना पाहायला मिळणार आहे. या चित्रपटाचा टायटल लोगो नुकताच प्रदर्शित करण्यात आला आहे. या चित्रपटाचा निर्माता आणि अभिनेता जॅकी भगनानी यानी आपल्या सोशल मिडीया अकाऊंटवरून हा लोगो शेअर केला आहे.