विधानपरिषदेच्या मुंबई मनपासह ६ जागांसाठी निवडणूक कार्यक्रम जाहीर

मुक्तपीठ टीम

महाराष्ट्र विधानपरिषदेच्या स्थानिक स्वराज्य संस्था मतदारसंघांच्या सहा जागांसाठी निवडणूक कार्यक्रम जाहीर करण्यात आला आहे. येत्या १० डिसेंबरला मतदान आणि १४ डिसेंबरला मतमोजणी होणार आहे. विधानपरिषदेच्या एकूण ८ जागांचा कार्यकाळ संपुष्टात येत असला तरी सोलापूर आणि अहमदनगर वगळता मुंबईतील २, कोल्हापूर, धुळे नंदुरबार, अकोला बुलडाणा वाशिम, नागपूर प्रत्येकी १ अशा ६ जागांसाठी निवडणूक कार्यक्रम जाहीर करण्यात आला आहे.

यांच्या जागांवर निवडणूक होणार

१) रामदास कदम, शिवसेना, मुंबई
२)भाई जगताप, काँग्रेस, मुंबई
३)सतेज पाटील , काँग्रेस, कोल्हापूर
४)अमरीश पटेल , भाजप, धुळे-नंदुरबार
५)गिरिश व्यास, भाजप, नागपूर
६)गोपीकिशन बाजोरिया, शिवसेना गोंदिया-भंडारा

दहा डिसेंबरला मतदान

• निवडणूक आयोगाने विधानपरिषद निवडणुकीचा कार्यक्रम जाहीर केला आहे.
• त्यानुसार ६ जागांसाठी १० डिसेंबरला मतदान होणार आहे.
• तर या जागांचा निकाल १४ डिसेंबरला जाहीर होईल.