मुक्तपीठ टीम
महाराष्ट्रातील सत्तासंघर्षात उद्धव ठाकरे यांनी बुधवारी आपल्या मुख्यमंत्री पदाचा आणि आमदार पदाचा राजीनामा दिला. यामुळे महाविकास आघाडी सरकार हे कोसाळले. यामुळे आता राज्यात बहुमताने पुन्हा एकदा भाजपाचे सरकार येणार आहे. देवेंद्र फडणवीस हे पुन्हा मुख्यमंत्री बनणार आहे. दरम्यान मी पुन्हा येईन असे म्हणणारे देवेंद्र फडणवीस यांचे जुनं भाषण व्हायरल होत आहे. विधानसभेत केलेल्या भाषणातील “मैं समंदर हूं, लौट कर वापस आऊंगा”, शायरी व्हायरल होत आहे.
फडणवीस यांची शायरी होतेय व्हायरल!
“मेरा पानी उतरता देख, मेरे किनारे पर घर मत बसा लेना… मैं समंदर हूं, लौट कर वापस आऊंगा”, असे फडणवीस त्यावेळी म्हणाले होते. ज्या दिवशी फडणवीस यांनी मुख्यमंत्रिपदाचा राजीनामा दिला होता, त्याच दिवशी त्यांच्या पत्नी अमृता फडणवीस यांनीही शेरो शायरीच्या माध्यमातून परत येण्याविषयी म्हटले होते.
दुसरीकडे, फडणवीस यांनी शेर वाचल्यानंतर भाजपच्या आमदारांनी टेबल थोपटून त्यांचे स्वागत केले. मात्र, त्यावेळी सत्ताधारी पक्षाचे अनेक आमदार हसताना दिसले. बहुधा त्यांनी चेष्टेचा विषय झालेल्या “मी पुन्ही येईन…मी पुन्हा येईन” सारखंच याही शायरीचं होईल असं वाटलं असावं!
Subscribe
