मुक्तपीठ टीम
दिल्लीच्या प्रसिद्ध पंचतारांकित हॉटेलमध्ये असलेल्या सलूनला मॉडेलचे केस चुकीच्या पद्धतीने कापणे खूप महागात पडले आहे. तक्रारीनंतर झालेल्या सुनावणीत राष्ट्रीय ग्राहक विवाद निवारण आयोगाने हॉटेलला त्या मॉडेलला २ कोटी रुपयांची भरपाई देण्याचे आदेश दिले आहेत. ही भरपाई त्या महिलेला ८ आठवड्यांच्या आत द्यावी लागेल. पीडित मॉडेलचे नाव आशना रॉय आहे आणि २१ सप्टेंबर रोजी आदेश देण्यात आले.
हे प्रकरण दिल्लीच्या प्रसिद्ध पंचतारांकित हॉटेलशी संबंधित आहे. मॉडेल आशना रॉयने राष्ट्रीय ग्राहक विवाद निवारण आयोगाकडे केलेल्या तक्रारीत म्हटले होते की, दिल्लीतील या नामांकित हॉटेलच्या सलूनमध्ये केवळ तिचे केस चुकीचे कापले गेले नाहीत तर चुकीचे हाताळले देखील गेले. मॉडेलने सांगितले की, यामुळे तिच्या करिअरवरच परिणाम झाला नाही, तर तिचे मोठे मॉडेल बनण्याचे स्वप्नही राहून गेले.
राष्ट्रीय ग्राहक विवाद निवारण आयोगाकडे केलेल्या तक्रारीमध्ये, आशना रॉय म्हणाली की, “तिचे केस खूप लांब होते. यामुळे ती इतर मॉडेल्सच्या तुलनेत खूप सुंदर दिसत होती. यासह, ती केसांच्या उत्पादनांच्या मोठ्या ब्रॅण्डसाठी मॉडेलिंग देखील करत होती.” असे सांगितले जात आहे की, मॉडेलिंग हे आशनाच्या उत्पन्नाचे प्रमुख स्त्रोत होते. पीडित आशनाच्या तक्रारीनुसार, जेव्हा तिने दिल्लीतील एका प्रसिद्ध हॉटेलच्या सलूनमध्ये तिचे केस कापले, तेव्हा प्रचंड निष्काळजीपणा झाला. यामुळे, जाहिराती मिळणे बंद झाले, जे तिच्या उत्पन्नाचे मुख्य स्त्रोत होते.
न्यायालयात तीन वर्षांपासून सुरू होते प्रकरण
- एप्रिल २०१८ मध्ये तिने दिल्लीतील एका नामांकित हॉटेलच्या सलूनमधून तिचे केस कापले, पण त्याआधी तिने सलूनच्या कामगारांना केस कापायचे हे सांगितले होते.
- असे सांगूनही, कामगारांनी आशनाचे चुकीचे केस कापले.
- यानंतर तिला मानसिक आणि शारीरिक समस्यांचा सामना करावा लागला.
- मॉडेल होण्याच्या स्वप्नाबरोबरच तिने चांगल्या पगाराची नोकरीही गमावली.
- एनसीडीआरसीचे अध्यक्ष आर.के. अग्रवाल आणि सदस्य डॉ.एस.एम. कांतीकर यांच्या खंडपीठाने २१ सप्टेंबर रोजी दिलेल्या आदेशात असे नमूद केले आहे की, केस कापण्याच्या निष्काळजीपणामुळे मॉडेल आशना रॉयला गंभीर मानसिक त्रास सहन करावा लागला.
- कमिशनने हॉटेल सलूनला चुकीच्या पद्धतीने मॉडेलचे केस कापल्याबद्दल दोषी ठरवले आहे. ७. दुसरीकडे, आशाने तक्रारीत म्हटले आहे की, सलून कामगारांच्या चुकीमुळे ती तिच्या डोक्यापर्यंत भाजली होती. यामुळे, तिला जास्त त्रास झाला.
व्हॉट्सअॅप चॅट बनला पुरावा
पीडित मॉडेल आशना आणि सलून यांच्यातील व्हॉट्सअॅप चॅटमुळे निष्काळजीपणाचे पुरावे मिळाले. वास्तविक, व्हॉट्सअॅपवर चॅट करताना हॉटेलने कबूल केले की त्यांनी चूक केली आहे. एवढेच नाही तर त्याने चूक स्वीकारली आणि केसांच्या मोफत उपचारांवर बोलले. त्याच वेळी, आशाने न्यायासाठी राष्ट्रीय ग्राहक विवाद निवारण आयोगाशी संपर्क साधला.
Subscribe
