गुन्हे महत्वाचे : 1)घरात एकट्या राहणाऱ्या ४७ वर्षीय महिलेला मारहाण करत तिची साडीने गळा आवळून हत्या केल्याची घटना डोंबिवली पश्चिमेकडील कोपर रोड परिसरात घडली. या प्रकरणी विष्णूनगर पोलिस ठाण्यात तक्रार नोंदवली असून या तक्रारीनुसार पोलिसांनी हत्येचा गुन्हा दाखल करत हल्लेखोराचा शोध सुरू केला. 2)कणकवलीतील पटवर्धन चौकात ऑन ड्युटी वाहतूक पोलिसांना पेट्रोल अंगावर ओतून जिवंत पेटवून देण्याचा प्रयत्न केल्याची धक्कादायक घटना घडली. या प्रकरणी तरुणाला ताब्यात घेतले आहे. 3)शहरातील विविध भागांत घरफोड्या करणाऱ्या सराईत गुन्हेगाराला दत्तवाडी पोलिसांनी तब्बल अडीचशे सीसीटीव्ही पाहून पकडले. त्याच्याकडून साडेनऊ लाखांचा ऐवज जप्त करण्यात आला आहे. 4)एका तरुणाने तीन पाळीव कुत्र्यांसह आत्महत्या केल्याची धक्कादायक घटना समोर आली आहे. बदलापुरातील एका ठिकाणी ही घटना घडली आहे. याप्रकरणी पोलिसांना एक सुसाईड नोट आढळून आल्याने खळबळ उडाली आहे. 5)डोंबिवलीत महिलेच्या हत्येप्रकरणी कल्याण क्राईम ब्रांचने आरोपीला 16 तासांच्या आत बेड्या ठोकल्या आहेत. मयत महिला ही बारबाला असून बारच्या वेटरनेच तिची हत्या केल्याचे उघडकीस आले आहे. वेटरने बारबालासोबत शारीरिक संबंध केले. त्यानंतर बारबालाची हत्या केली. हत्येनंतर वेटरने बारबालाच्या घरातील सामान चोरी केली आणि तो पसार झाला.