गुन्हे महत्त्वाचे: 1)पालघर जिल्ह्यातील बोईसरमध्ये एक धक्कादायक प्रकार उघडकीस आला आहे. सततच्या भांडणांना कंटाळून पतीनं पत्नीची चाकूनं भोसकून हत्या केलीय, तर पत्नीच्या हत्येनंतर पतीनंही आत्महत्या केलीय. 2)मुंबईच्या चेंबूर परिसरात एका बॉक्सिंग प्रशिक्षकाने १४ वर्षांच्या मुलीवर बलात्कार केल्याची घटना समोर आली आहे. पोलिसांनी याप्रकरणात बॉक्सिंग प्रशिक्षकाला अटक केली आहे. सध्या याप्रकरणाची चौकशी सुरु आहे. 3)ठाणे शहरामध्ये घरफोड्या, चोऱ्यांमध्ये पुन्हा एकदा वाढ झाली असून दररोज नवे प्रकार समोर येत आहेत. मात्र, हे प्रकार रोखण्यामध्ये पोलिसांना अपयश येऊ लागले आहे. त्यामुळे नागरिकांमध्ये भीतीचे वातावरण असून चोरट्यांना अटक करून वाढत्या चोऱ्यांवर अंकुश आणण्याची मागणी नागरिकांकडून होऊ लागली आहे. 4)मद्याची बाटली आणि रोकड लाच घेतल्याप्रकरणी आरे डेअरीच्या वरिष्ठ लिपिकाला अटक झालेली असतानाच, कारवाई टाळण्यासाठी दहा लाखांची मागणी करणाऱ्या पोलिसाला लाचलुचपत प्रतिबंधक विभागाच्या अधिकाऱ्यांनी अटक केली. गणेश साळुंके असे या पोलिसाचे नाव असून तो मालवणी पोलिस ठाण्यात नेमणुकीला आहे.