जगाला वाटलं, आपल्यालाच नाही पुरलं! देशात साडेपाच दिवसांचाच लस साठा!

मुक्तपीठ टीम

देशासाठी एक चिंताजनक बातमी समोर आली आहे. देशात केवळ साडेपाच दिवस पुरेल एवढाच लस साठा उपलब्ध आहे. देशात अनेक राज्यांकडून लस तुटवड्याची तक्रार येत आहे. त्यावरून आरोग्य मंत्री यांनी लसीच्या वितरणासंबंधित माहिती जाहीर केली आहे. त्यातून ही माहिती उघड झाली आहे. भारतानं शेजारी आणि मित्र देशांना कोरोनाविरुद्ध लढण्यासाठी ६ कोटी ४४ लाख डोस उपलब्ध केले आहेत. त्यामुळे जगाला वाटलं, आपल्यालाच नाही पुरलं, अशी अवस्था झाल्याची टीका होऊ लागली आहे.

केंद्रीय आरोग्य मंत्री हर्षवर्धन यांनी लसीच्या वितरणासंबंधी माहिती जाहीर केली. यामध्ये त्यांनी कोणत्या राज्याला किती लसींचे डोस दिले आणि राज्यांकडून किती प्रमाणात त्याचा वापर करण्यात आला. राज्यांच्या साठ्यात किती लस उपलब्ध आहे, याची माहिती दिली.

कोणत्या राज्यात किती लस साठा उपलब्ध

• ही आकडेवारी केंद्र सरकारने माध्यमांसाठी जारी केलेल्या माहितीवर आधारीत आहे.

कोरोना लसीची निर्यात सुरूच आहे

परराष्ट्र मंत्रालयानं देशात कोरोना लस निर्यात करण्यावर कोणतीही बंदी नाही असे स्पष्ट केले आहे. देशातील आवश्यकता लक्षात घेऊन दुसऱ्या देशांना लसीचा पुरवठा सुरूच राहील. गेल्या आठवड्यात परराष्ट्र मंत्रालयाकडून देण्यात आलेल्या माहितीनुसार, भारतानं शेजारी आणि मित्र देशांना कोरोनाविरुद्ध लढण्यासाठी ६ कोटी ४४ लाख डोस उपलब्ध केले आहेत.