मुक्तपीठ टीम
संपूर्ण जगात कोरोना लसीकरण मोहिम सुरू असताना आता अमेरिकन शास्त्रज्ञांनी कोरोनावर गोळी तयार केल्याचा दावा केला आहे. या गोळीमुळे कोरोना विषाणूंच्या वाढीवर पाच दिवसात परिणाम होत असल्याचाही दावा ती गोळी शोधणाऱ्या कंपनीने केला आहे. जर ही गोळी चाचण्यांमध्ये यशस्वी ठरली तर कोरोनाविरोधातील लढाईत खूप प्रभावी शस्त्र माणसांच्या हाती येईल.
नव्या गोळीच्या प्राथमिक चाचण्यांमधून तिच्यामुळे विषाणूंची संख्या घटते हे दिसून आले आहे. पाच दिवस गोळीद्वारे चाललेल्या उपचारांमध्ये, रूग्णात कोरोना विषाणूंची वाढ रोखल्याचे दिसले. अमेरिकन कंपनी रिजबॅक बायोथेरप्यूटिक्सने आत्तापर्यंत केलेल्या प्राथमिक चाचण्यांचे निष्कर्ष जाहीर केले. जर ही गोळी चाचण्यांमध्ये यशस्वी ठरली तर कोरोनाविरूद्धची ही पहिली ओरल अँटीव्हायरल गोळी असेल.
कोरोना विषाणूंची वाढ रोखते
कंपनीचे सह-संस्थापक वेन होलमन यांनी दावा केला आहे की, आतापर्यंतच्या संशोधनाच्या निष्कर्षानुसार, नवीन गोळी कोरोना विषाणूंची वाढ रोखते. त्यामुळे हे औषध कोरोनाशी लढण्यासाठी प्रभावी सिद्ध होऊ शकते. तथापि, आत्तापर्यंत केलेल्या संशोधनातून तसा दावा १०० टक्के सिद्ध होत नाही. त्यामुळे पुढील संशोधन होणे बाकी आहे.
कोरोना गोळी कशी वेगळी?
- कोरोनाविरूद्ध तयार केलेल्या सध्याच्या लसी त्याच्या स्पाइक प्रोटीनला लक्ष्य करतात आणि संसर्ग वाढण्यास प्रतिबंध करतात.
अमेरिकन ड्रग कंपनीचे हे नवीन औषध कोरोनाच्या त्या भागावर हल्ला करते, ज्यामुळे शरीरात त्याची संख्या वाढते. - कंपनीच्या म्हणण्यानुसार मार्चच्या अखेरीस या संशोधनाचे सविस्तर निष्कर्ष येतील.
- मॉल्नुपीरवीर औषध कोरोना रोखण्यात कितपत यशस्वी आहे हे समजेल. तसेच मृत्यूचे प्रमाण किती कमी होते, तेही स्पष्ट होईल.
Subscribe
