मुक्तपीठ टीम
पुणे-सातारा महामार्गावरील खंबाटकी घाटातील नवीन सहापदरी बोगद्याचे बांधकाम प्रगतीपथावर आहे. पुढील वर्षी मार्च महिन्यात बोगद्याचे काम पूर्ण होणार असल्याची माहिती, केंद्रीय भूपृष्ठ वाहतूक मंत्री नितीन गडकरी यांनी दिली. हे काम पूर्ण झाल्यानंतर पुण्याहून साताऱ्याकडे जाताना वळवळणाचा घाटरस्ता सोडून थेट जाता येईल. त्यामुळे प्रवाशांच्या वेळ आणि इंधनाची मोठी बचत होणार आहे.
खंबाटकी घाटाच्या कामाच्या प्रगतीविषयी गडकरी यांनी ट्विटद्वारे माहिती दिली आहे. यानुसार पुणे-सातारा या राष्ट्रीय महामार्ग क्र.३ वर सध्या प्रत्येकी ३ मार्गिका असलेल्या दुहेरी बोगद्याचे कार्य सुरु असून इंग्रजीवर्णाक्षर ‘एस’ प्रमाणे असलेल्या वळणमार्गाचे कामही लवकरच पूर्ण होईल. यामुळे या रस्त्यावर होणाऱ्या अपघातांमध्ये मोठी घट होईल.
पुणे-सातारा आणि सातारा-पुणे कडील प्रवासासाठी या बोगद्यातून लागणारा प्रत्येकी ४५ मिनीटं आणि १० ते १५ मिनिटांच्या वेळेत घट होवून केवळ ५ ते १० मिनिटात या बोगद्यातून प्रवास करता येईल. ६.४३ किमी लांबीच्या या प्रकल्पासाठी अंदाजे ९२६ कोटी रुपये खर्च येणार असल्याचे श्री गडकरी यांनी सांगितले आहे.
Subscribe
