मुक्तपीठ टीम
केंद्रीय मंत्री स्मृति इराणी यांनी गुजरातमधील केवडियामधील चिल्ड्रन न्यूट्रिशन पार्कला भेट दिली. त्या भेटीत त्यांनी पार्कचं महत्व समजवून घेतलं. त्यानंतर बाल कुपोषणावर मात करत बाल सुपोषणाची कल्पना मांडणाऱ्या या चिल्ड्रन न्यूट्रिशन पार्कसारखी उद्यानं देशभरात उभारण्याची कल्पना पुढे आली.
चिल्ड्रन न्यूट्रिशन पार्क कशासाठी?
- गुजरातमधील केवडियामधील स्टॅच्यू ऑफ युनिटी जवळ चिल्ड्रन न्यूट्रिशन पार्क आहे.
- बाल सुपोषणाच्या विविध पैलूंविषयी जनजागृती करण्याचे या पार्कचे उद्दिष्ट आहे.
- या पार्कची थीम आहे – योग्य पोषण, देश प्रकाशमान!
- या पार्कमध्ये ट्रेनने फिरता येते.
- मुलांना खेळ आणि खेळण्यांद्वारे पोषणविषयक माहिती देण्यासाठी हे उद्यान ३५,००० चौरस मीटरमध्ये बांधण्यात आले आहे.
- देशभर असे पार्क झाले तर नक्कीच सुपोषण बालवयातच मनात रुजेल.
चांगला आहार घेणे किती महत्त्वाचे आहे यावर नेहमीच चर्चा होत असते. त्याचबरोबर योग्य पोषणाची माहिती असणे देखील खूप महत्वाचे आहे. मुलांना खेळ आणि खेळण्यांद्वारे पोषणविषयक माहिती देण्यासाठी हे उद्यान ३५,००० चौरस मीटरमध्ये बांधण्यात आले आहे.
न्यूट्रिशन पार्क म्हणजे ज्ञान आणि मनोरंजन!
- पर्यटक माहिती केंद्र आणि एकता मॉलजवळ असलेल्या या पार्कचे संकुल विशेषतः लहान मुले आणि पालकांसाठी डिझाइन केलेले आहे. पोषणाच्या विविध पैलूंविषयी जनजागृती करण्याचे या पार्कचे उद्दिष्ट आहे.
- तेथे, दुधाशी संबंधित स्टेशन देखील बांधण्यात आले आहे, जे पोषण, अन्न प्रक्रिया आणि बागायती शिकण्यासह एक मनोरंजक आणि आनंददायक अनुभव प्रदान करते.
- सर्वात महत्त्वाचे म्हणजे, येथे कार्यरत असलेले सर्व प्रशिक्षक आणि कर्मचारी हे स्थानिक आदिवासी आहेत, जे चांगले प्रशिक्षित आहेत.
- उद्यानात ६०० मीटर लांबीच्या ट्रॅकवर एक न्युट्री ट्रेन धावते. आणि मुलांना फलासब्जीगढ, किशन कुमार, दूधनगरी, जनार्दन, मा की रसोई, पोशनपुरा आणि फिट इंडियासारख्या स्थानकांवर घेऊन जाते.
Subscribe
