तांदळांची किमान हमी दरानं १ लाख ३६ हजार ३५० कोटीची खरेदी, ९४ लाख शेतकऱ्यांना लाभ!

मुक्तपीठ टीम

महाराष्ट्रासह देशभरातील तांदूळ उत्पादक शेतकऱ्यांसाठी हा खरीप हंगाम चांगला जात आहे. या शेतकऱ्यांच्या तांदळाची सरकारने योग्य प्रकारे खरेदी सुरु ठेवली आहे. या खरीप विपणन  हंगामात धान (तांदूळ) खरेदी अव्याहतपणे  होत आहे. गेल्यावर्षीप्रमाणेच यंदाही शेतकऱ्यांकडून किमान हमीभावानुसार धान्यखरेदी केली जात आहे. आतापर्यंत सुमारे  ९४ लाख १५ हजार शेतकऱ्यांना त्याचा लाभ मिळाला आहे. किमान हमीभावानुसार, १ लाख ३६ हजार ३५० कोटी रुपये शेतकऱ्यांच्या खात्यात जमा करण्यात आले आहेत.

२०२०-२०२१च्या खरीप विपणन हंगामात २० फेब्रुवारी २०२२पर्यंत शेतकऱ्यांकडून एकूण ६९५ लाख ६७ हजार मेट्रिक टन धानाची खरेदी करण्यात आली. यात महाराष्ट्रासह गुजरात, आराम, हरियाणा, हिमाचल प्रदेश, केरळ, तामिळनाडू, कर्नाटक, पश्चिम बंगाल, त्रिपुरा, बिहार, ओदिशा, पुददूचेरी, छत्तीसगढ, आंध्रप्रदेश आणि मध्यप्रदेश ही राज्ये आणि केंद्रशासित प्रदेशांचा समावेश आहे.

पाहा व्हिडीओ: