मुक्तपीठ टीम
देशात सर्वाधिक कोरोना रुग्ण आढळत असलेल्या महाराष्ट्रातील प्रत्येक नागरिकाला लस देण्यासाठी तातडीची परवानगी देण्याची मागणी उद्योगपती आनंद महिंद्रा यांनी केली आहे. महाराष्ट्रात सध्या रोज किमान १५ हजारांपेक्षा जास्त कोरोना रुग्ण सापडत असल्याने सोमवारपासून कडक निर्बंध लावण्यात आले आहेत. त्याचबरोबर जर लोकांनी नियम पाळले नाहीत तर लॉकडाऊनचा इशाराही सातत्याने दिला जात आहे. त्याचवेळी महाराष्ट्राच्या आवश्यकतेच्या प्रमाणात लसीकरण होत नसल्याचा सूरही उमटत आहे. या पार्श्वभूमीवर महिंद्रांची मागणी महत्वाची आहे. त्यांनी लसींच्या तुटवड्याचा उल्लेख करत केंद्र सरकारकडूनही अपेक्षा व्यक्त केल्याचे मानले जात आहे.
गेल्या वर्षी सापडत होते तेवढे कोरोनाचे नवे रुग्ण आता महाराष्ट्रात पुन्हा सापडू लागले आहेत. लोकांनी निर्बंध पाळले नाहीत तर ते एका महिन्यात दिवसाला २५ हजारावर जाण्याचा अंदाज राज्याचे मुख्य सचिव सिताराम कुंटे यांनी व्यक्त केला आहे. त्यामुळे महाराष्ट्रात व्यापक प्रमाणावर कोरोना लसीकरणाची आवश्यकता व्यक्त करण्यात येत आहे. तशी मागणीही राज्यात जोर धरु लागली आहे. राज्याचे उपमुख्यमंत्री आणि पुण्याचे पालकमंत्री अजित पवार यांनीही पुण्यासाठी तशी परवानगी मिळावी, असे म्हटले होते.
Over half the new daily cases are in Maharashtra.The state is the nerve-centre of the country’s economic activity & more lockdowns will be debilitating. Maharashtra needs emergency permission to vaccinate EVERY willing person. No shortage of vaccines. @PMOIndia @drharshvardhan https://t.co/AemBFcrAd7
— anand mahindra (@anandmahindra) March 15, 2021
महाराष्ट्राचे देशातील आर्थिक महत्व लक्षात घेता या राज्यात लसीकरणावर जास्त भर देण्याची मागणी जोर धरत आहे. महिंद्रा समुहाचे चेअरमन आनंद महिंद्रा यांनी ट्विटद्वारेही ही मागणी केली. त्यांनी स्पष्ट शब्दात म्हटले की लसींचा तुटवड्यामुळे लसीकरणाची गती मंदावते आहे. जर आपण लसीकरणाचा वेग वाढवला नाही तर दुसरी, तिसरी, चौथीही लाटही सहन करावी लागेल. महाराष्ट्रासारख्या आर्थिक केंद्राला सारखे लॉकडाऊन परवडणारे नसतील.
Subscribe
