अॅमेझॉनच्या जेफ बेजोस यांची ‘तळ ते अंतराळ’ यशोगाथा…आज पद सोडणार!

मुक्तपीठ टीम

जगातले सर्वात श्रीमंत व्यक्ती जेफ बेजोस आज ५ जुलै रोजी अॅमेझॉनचं सीईओ पद सोडत आहेत. त्यांच्यानंतर या पदाची जबाबदारी एंडी जेसी यांच्याकडे असेल. ५ जुलै हा दिवस माझ्यासाठी अत्यंत भावूक दिन आहे. २७ वर्षांपूर्वी ५ जुलै १९९४ रोजी अॅमेझॉनची सरुवात केली होती, अशा शब्दात बेजोस यांनी आपल्या भावना व्यक्त केल्या आहेत. आता बेजोस हे अंतरराळ यात्रा करणार आहेत.

 

View this post on Instagram

 

A post shared by Jeff Bezos (@jeffbezos)

बेजोस आपल्या भावासोबत अंतराळ यात्रा करण्याच्या तयारीत

• बेजोस यांनी आपल्या एका सोशय मिडिया पोस्टमध्ये सांगितलं आहे की, जेव्हा ते ५ वर्षांचे होते, त्यावेळी त्यांनी अंतराळ यात्रा करण्याचं स्वप्न पाहिलं होतं.
• २० जुलै रोजी बेजोस आपल्या भावासोबत अंतरराळ यात्रेचा प्रवास सुरु करतील.
• बेजोस यांची नेट वर्थ ही १५.१ लाख कोटींची आहे.
• सीईओ पद सोडल्यानंतर बेजोस आपला अमूल्य वेळ अंतराळाशी संबंधित कंपनी ब्लू ओरिजिन, बेजोस अर्थ फंड, अॅमेझॉन डे वन फंड आणि अखबार द वाशिंगटन पोस्टसाठी देणार आहेत.
• यातली ब्लू ओरिजीन कंपनी ही चंद्रावर कॉलनी वसवण्यासाठी प्रयत्नशील आहे.
• या क्षेत्रात त्यांची स्पर्धा ही एलन मस्क यांची कंपनी स्पेस एक्ससोबत आहे.

 

View this post on Instagram

 

A post shared by Jeff Bezos (@jeffbezos)

कसा राहिलाय जेफ बेजोस यांचा जीवनप्रवास?

• जॅक्लिन जोगेर्सन या केवळ १६ वर्षाच्या मुलीने प्रसिद्ध युनिसाईक्लिस्ट टेड जोर्गेन्सन यांच्याशी लग्न केलं.
• त्यानंतर १९६४ मध्ये जेफ यांचा जन्म झाला.
• त्यावेळी जॅक्लिन या शाळेत शिकत होत्या.
• बेजोस यांच्या जन्मानंतर १ वर्षातच त्यांचे आई वडील विभक्त झाले.
• प्रतिकूल परिस्थितीवर मात करत जॅक्लिन यांनी कॉलेजमध्ये प्रवेश मिळवला. यानंतर जॅक्लिन यांची ओळख माईक बेजोस यांच्याशी झाली.
• जेफ यांचं वय ४ वर्षांचं असताना जॅक्लिन यांनी माईक यांच्याशी लग्न केलं.
• सुरुवातीला बेजोस यांनी इंटरनेटवर पुस्तकांची विक्री करुन ऍमेझॉनला ऑनलाईन शॉपिंगचं स्वरुप प्राप्त करुन दिलं.
• सावत्र वडीलांनी दिलेल्या ३ लाख डॉलरपासून त्यांनी व्यवसायाला सुरुवात केली. आता बेजोस यांची संपत्ती १५ लाख कोटींपर्यंत पोहोचली आहे.

कसा सुरु झाला जेफ बेजोस यांचा व्यवसाय?

• बेजोस यांनी कम्प्युटर सायंन्स आणि इलेक्ट्रिकल इंजिनियरींगसह १९८६ मध्ये प्रिंसटन विद्यापीठातून पदवीचं शिक्षण घेतलं आहे.
• बेजोस यांना १९८८ मध्ये इंटेल, बेल लॅब्स आणि एंडरसन कन्सल्टिंगकडून नोकरीची ऑफरही मिळाली होती.
• त्यांनी वॉल स्ट्रीटमध्ये गुंतवणूक संस्था असलेल्या डीई शॉ अँड कंपनीत नोकरी सुरु केली.
• फक्त ८ वर्षातच ते त्या कंपनीचे उपाध्यक्ष झाले.
• १९९३ मध्ये त्यांनी कंपनीला रामराम करत ऑनलाईन बुकस्टोर लाँच केलं.
• जेफ बेजोस यांना लहानपणापासूनच प्रत्येक गोष्टीबाबत उत्सुकता होती.
• त्यामुळे बेजोस यांनी घरातलं गॅरेजचं रुपांतर प्रयोगशाळेत केलं.
• शाळेत असतानाच बेजोस यांनी आपला पहिला व्यवसाय द ड्रीम इन्स्टिट्यूटची सुरुवात केली.
• हा एक शैक्षणिक उन्हाळी कॅम्प होता. ज्यात सहभागी होणाऱ्या ६ विद्यार्थ्यांमार्फत बेजोस यांनी ६०० डॉलर जमावले.
• ५ जुलै १९९४ रोजी त्यांनी आपल्या वडीलांनी दिलेल्या ३ लाख डॉलरची ऍमेझॉनमध्ये गुंतवणूक केली.
• ऍमेझॉनची वेबसाईट बीटा टेस्टिंगसाठी त्यांनी ३०० मित्रांची मदत घेतली.
• १६ जुलै १९९५ रोजी दक्षिण अमेरिकेच्या नदीच्या नावावर त्यांनी ऍमेझॉन डॉट कॉमची निर्मिती केली.
• ऍमेझॉनने ३० दिवसातच अमेरिकेसह ४५ देशांमध्ये पुस्तकांची विक्री केली.
• २ महिन्यात हीच पुस्तकांची विक्री आठवड्याला २० हजार डॉलरवर पोहोचली.
• १९९७ मध्येअॅमेझॉन ही कंपनी खासगी कंपनी झाली.
• यानंतर २ वर्षातच ही नवनिर्वाचित कंपनी आपल्या प्रतिस्पर्ध्यांना पिछाडीवर टाकत ई कॉमर्स सेक्टरमध्ये नावारुपाला आली.
• अॅमेझॉनची स्थापना, कंपनी नावारुपाला येण्यात बेजोस यांच्या पत्नी मैकेंजी बेजोस यांचाही मोठा हातभार आहे.
• ३ सप्टेंबर १९९३ रोजी दोघांचं लग्न झालं. २५ वर्ष एकत्र राहिल्यानंतर २०१९ मध्ये दोघांनी विभक्त होण्याचा निर्णय घेतला.
• मैकेंजी बेजोस यांना घटस्फोटानंतर जेफ बेजोस यांच्याकडून पोटगी स्वरुपात ३८ अरब डॉलर म्हणजेच २.६ लाख कोटी मिळाले.
• घटस्फोटानंतर मैकेंजी जगातल्या चौथ्या सर्वाधिक श्रीमंत महिला बनल्या.
• त्यांच्या कुटुंबात १ दत्तक घेतलेली मुलगा आणि ३ मुलं आहेत.