तौक्ते चक्रीवादळामुळे पाच राज्यांमध्ये अलर्ट, एनडीआरएफची ५३ पथके सज्ज

मुक्तपीठ टीम

भारतीय हवामान खात्याने तौक्ते चक्रीवादळाच्या पार्श्वभूमीवर पश्चिम किनारपट्टीवरील पाच राज्यांना अलर्ट जारी केला आहे. तसेच अरबी समुद्रात उसळलेल्या तौक्ते वादळी संकटाला रोखण्यासाठी एनडीआरएफनने ५३ पथके सज्ज केली आहेत. या पथकांना महाराष्ट्र, गुजरात, केरळ, कर्नाटक आणि तामिळनाडू राज्यातील किनारपट्टी भागात तैनात केले जात आहेत. तसेच १७ मे रोजी हे चक्रीवादळ भीषण रुप धारण करणार अशी शक्यता हवामान खात्याने वर्तवली आहे.

तौक्ते चक्रीवादळाबद्दल इशारा

• हवामान खात्याने चक्रीवादळाबद्दल धोक्याचा इशारा दिला आहे.
• १६ ते १९ मे दरम्यान ताशी १५० ते १६० किमी वेगाने वारे वाहू शकतात.
• हा वेग ताशी १७५ किमीवरही पोहोचू शकतो.
• १५ मेपासून लक्षद्वीप, केरळसह काही ठिकाणी मुसरळधार पाऊस पडत आहे.
• तौक्ते चक्रीवादळ वेगाने पुढे सरकत आहे.

#CycloneTauktae UPDATE
14/5/2021- @NDRFHQ

🔸53 #NDRF teams committed
🔸24 teams pre-deployment
🔸29 teams standby-ready
🔸For 5 states
🔸Kerala,Ktka,TN,
🔸Guj,Maharashtra @PMOIndia @HMOIndia @PIBHomeAffairs @BhallaAjay26 @ANI @PIBTvpm @PIBBengaluru @PIBAhmedabad @PIBMumbai pic.twitter.com/1ZBvE9YVIS

— ѕαtчα prαdhαnसत्य नारायण प्रधान ସତ୍ଯପ୍ରଧାନ-DG NDRF (@satyaprad1) May 14, 2021

मच्छिमारांना किनाऱ्यावर परतण्याचा इशारा

• चक्रीवादळाच्या पार्श्वभूमीवर हवामान खात्याने मुंबई आणि कोकणातील मच्छिमारांना किनाऱ्यावर परतण्याचा इशारा दिला आहे. बहुतेक मच्छिमार परतले आहेत.
• १४२ मासेमारी नौक किनाऱ्यावर परत बोलवण्यात आल्या आहेत.
• रायगडच्या मत्स्यव्यवसाय विभागाकडून सांगण्यात येत आहे की, ताशी ४० ते ६० किलोमीटर वेगाने वारे वाहण्याची शक्यता वर्तवली आहे.

केरळमध्ये वेगवान वाऱ्यासह मोठा पाऊस

• केरळमधील विविध ठिकाणी पावसाला सुरुवात झाली आहे.
• यामुळे तेथील राज्य सरकारने सखल भागात राहणाऱ्या लोकांना सुरक्षित ठिकाणी हलविण्यास सुरुवात केली आहे.
• तसेच तिरुअनंतपुरममधील अरुविकर धरणावर पाण्याचा वेग वाढल्याने धरणाचे दरवाजे उघडण्यात आले आहेत.