मुक्तपीठ टीम
कोरोना पुन्हा एकदा संपूर्ण देशात वाढत असल्याचे पाहायला मिळत आहे. या दरम्यान आता बॉलिवूडचा लोकप्रिय अभिनेता आमिर खानला कोरोणाची लागण झाल्याची माहिती समोर आली आहे.सध्या आमिर खान सेल्फ क्वारंटाईन असून त्याची प्रकृती उत्तम असल्याचे सांगितले जात आहे. दोन दिवसांपूर्वीच अभिनेता आमिर खान मुख्यमंत्री उद्धव ठाकरे यांच्यासोबत पाणी फाऊंडेशनच्या कार्यक्रमात सोबत होते. त्यामुळे संपर्कात आलेल्या सर्वांनी खबरदारीचा उपाय म्हणून चाचणी करावी, असे आवाहन आमिर खानने केले आहे.
पानी फाउंडेशनच्या कार्यक्रमात मुख्यमंत्री उद्धव ठाकरे यांच्या व्यतिरिक्त आमिर खान यांची बायको किरण राव, कृषीमंत्री दादाजी भुसे, जलसंधारणमंत्री शंकरराव गडाख, मुख्य सचिव सीताराम कुंट, मुख्य कार्यकारी अधिकारी सत्यजित भटकळ आणि प्रमुख मार्गदर्शक डॉ. अविनाश पोळ उपस्थित होते. त्यामुळे या कार्यक्रमातील अनेक जण क्वारंटाईन होण्याची शक्यता आहे.
मुख्यमंत्री यांच्या मातोश्री या निवासस्थानी याआधीच कोरोनाने शिरकाव केला आहे. पर्यटन मंत्री आदित्य ठाकरे यांच्यानंतर मुख्यमंत्री यांची पत्नी रश्मी ठाकरे यांनाही कोरोनाची लागण झाली आहे. त्यामुळे मुख्यमंत्र्यानीही काळजी घेणे आवश्यक असल्याचे दिसून येत आहे.
Subscribe
