उद्योगपती सायरस मिस्त्री यांचं अपघाती निधन, पालघरमध्ये मर्सिडिझ कठड्याला धडकली आणि सारं संपलं…

मुक्तपीठ टीम

देशातील अग्रगण्य व्यावसायिक समुहाचे उद्योगपती सायरस मिस्त्री यांचा अपघाती मृत्यू ओढवला आहे. गुजरातहून मुंबईकडे येताना त्यांच्या मर्सिडिझ गाडीची धडक सूर्या पुलाच्या कठड्याला बसली. त्यात त्यांचा जागीच मृत्यू झाल्याची माहिती पोलिसांनी दिली आहे. त्यांच्यासोबतच्या आणखी एका व्यक्तीचा अपघातात मृत्यू झाला आहे, तर इतर दोघे गंभीर जखमी झाले आहेत. पालघर जिल्हा पोलीस अधीक्षकांनी माध्यमांना ही माहिती दिली आहे.

कसा, कुठे आणि कधी झाला अपघात?

• सायरस मिस्त्री हे गुजरातमधील अहमदाबादहून मुंबईला येत होते.
• प्रवासादरम्यान रविवारी दुपारी सव्वातीन वाजल्याच्या सुमारास हा अपघात झाला.
• ते मर्सिडिस गाडीतून ते प्रवास करत होते.
• रस्त्यावरील पुलाच्या कठड्याला गाडी धडकल्यामुळे हा अपघात झाला.
• अपघात झाल्यानंतर तात्काळ दोघांचा घटनास्थळीच मृत्यू झाला.
• सायरस मिस्त्रींसोबतच्या इतर दोघांना रुग्णालयात दाखल करण्यात आलं आहे.