अंधेरीतील पोटनिवडणुकीतून भाजपाचे मुरजी पटेल यांनी माघार घेतली आहे. खरंतर अशी माघार घेतली गेली की फायदा समोरच्या प्रमुख उमेदवाराचाच होतो. कारण तो विजयी होणार असतो, असं आपण मानतो. अर्थातच अंधेरीतही तसा फायदा होताना दिसतो तो ठाकरेंच्या शिवसेनेचा. कारण त्यांच्या उमेदवार ऋतुजा लटके यांचा विजयाचा मार्ग आता मोकळा झाला आहे. वरवर पाहता तसं वाटलं तरी थोडा सखोल विचार केला, तर या माघारीमुळे भाजपानं स्वत:ला वाचवलं, तर शिवसेनेचा जास्तीचा फायदा मात्र हुकवला, असल्याचं दिसतं. त्यामुळे अंधेरीतील एमसीए पॅटर्न हा नेमका किती आणि कोणाचा फायद्याचा ठरला याचा विचार आवश्यक ठरतो.
Subscribe
