मुक्तपीठ टीम
मुंबईच्या वसई परिसरात राहणाऱ्या ८० वर्षांच्या आजोबांना वीज कंपनीने ८० कोटी रुपयांचे बिल पाठवले. विशेष म्हणजे हे बिल केवळ २ महिन्यांचे आहे. हे पाहून आजोबांचे ब्लड प्रेशर वाढले आणि त्यांना रुग्णालयात दाखल करण्यात आले.
वसईतील रहिवासी गणपत नाईक यांची प्रकृती बिघडल्यानंतर आता त्यांचे कुटुंब धक्क्यात आहे. मुंबईतील वीजपुरवठा कंपनी महावितरण कडून ८० कोटी १३ लाख ८९ हजार ६ रुपयांचे बिल पाठवण्यात आले आहे. नाईक कुटुंब वसईत २० वर्षांपासून गिरणी चालवत आहे. लॉकडाऊनमुळे, त्याचा व्यवसाय असाही ठप्प झाला आहे. आता एवढ्या मोठ्या बिलानंतर कुटुंबांने पुढे काय करावे असा प्रश्न त्यांना पडला आहे.
पूर्वी प्रत्येक महिन्यात ५४ हजारांचे बिल होते
गणपत नाईक यांनी दिलेल्या माहितीनुसार, विद्युत विभाग हे कसे करू शकते. बिल पाठवण्यापूर्वी ते कोणत्या मीटरची तपासणी करत नाहीत? असे कसे एखाद्याला चुकीचे बिल पाठवू शकतात? आतापर्यंत दरमहा जास्तीत जास्त वीज बिल ५४ हजारांवर आले आहे. लॉकडाउन दरम्यान गिरणी कित्येक महिन्यांपासून बंद होती, असे असुनही दोन महिन्याचे (डिसेंबर आणि जानेवारी) एवढे बिल कसे येऊ शकते.
महावितरणने दुरुस्त केली प्रिंटिग मिस्टेक
महावितरणने हे अवाढव्य बिल ही प्रिंटिंग मिस्टेक असल्याचे सांगितले आहे. कंपनीने आता ७०हजाराचे सुधारीत बिल दिले आहे.
गणपत नाईक यांची प्रकृती आता चांगली आहे.
महावितरणचे अतिरिक्त कार्यकारी अभियंता सुरेंद्र मुनगारे म्हणाले की, विद्युत मीटर रीडिंग एजन्सीकडून ही चूक झाली. याची पडताळणी केली जात आहे. एजन्सीने ६ ऐवजी ९-अंकी बिल तयार केले होते.
Subscribe
