एअरटेलने पैसे भरले आणि काही तासातच स्पेक्ट्रम! मित्तलांनी सरकारच्या 5G वेगाचं केलं कौतुक!

मुक्तपीठ टीम

भारती एअरटेलचे संस्थापक आणि अध्यक्ष सुनील मित्तल यांनी सरकारच्या वेगाचे कौतुक केले आहे. केंद्रातील मोदी सरकारच्या ‘इज ऑफ डुइंग बिझनेस’चे कौतुक करताना ते म्हणाले की, या सरकारने व्यवसाय कसा करावा हे दाखवून दिले आहे, हा बदल देश बदलू शकतो. सुनील मित्तल म्हणाले की, एअरटेलकडून स्पेक्ट्रमची थकबाकी भरल्यानंतर काही तासातच त्यांना स्पेक्ट्रमचे वाटप पत्र मिळाले. ते म्हणाले की दूरसंचार विभागाने (DoT) आगाऊ पैसे भरण्याच्या दिवशी स्पेक्ट्रम वाटप पत्र सुपूर्द करण्याची ही पहिलीच वेळ आहे.

सरकारी कामाच्या 5G वेगाचं कौतुक!

• मित्तल यांनी एका निवेदनात सरकारी कामाच्या वेगाचं भरभरून कौतुक केलं आहे.
• एअरटेलने स्पेक्ट्रम थकबाकीसाठी ८,३१२.४ कोटी रुपये दिले आणि काही तासांत निर्दिष्ट फ्रिक्वेन्सी बँडसाठी वाटप पत्र देण्यात आले.
• स्पेक्ट्रमसह ई-बँड वाटप आश्वासनानुसार करण्यात आले.
• कोणतीही कमतरता नाही, विलंब नाही.
• सत्तेच्या कॉरिडॉरमध्ये कोणतेही वळण नाही आणि कोणतेही मोठे दावे नाहीत.
• व्यवसाय सुलभ करणे पूर्णपणे प्रभावी आहे, असे ही ते म्हणाले.

३० वर्षात प्रथमच घडलं…

पुढे ते म्हणाले की, डॉटसोबतच्या माझ्या ३० वर्षांपेक्षा जास्त अनुभवात ही पहिलीच वेळ आहे. व्यवसाय असा असावा. सक्रिय नेतृत्व- टेलिकॉमच्या शीर्षस्थानी आणि काय हा बदल! बदल असा पाहिजे जो देश बदलू शकेल. विकसित राष्ट्र बनण्याच्या स्वप्नाला बळ द्या.