एक रक्त गट असाही...जगभरात फक्त ४५ जणच या रक्तगटाचे!

मुक्तपीठ टीम

रक्तदान हेच श्रेष्ठ दान! आपल्या देशात प्रत्येक ठिकाणी रक्तदान शिबीरं राबवली जातात. ओ पॉझिटिव्ह रक्तगटाला तर देवच मानतात. शाळेत मिळालेल्या विज्ञान विषयातील रक्तगटांचे ज्ञान हे सर्वसामान्यांनाही माहित असतं. परंतु, यापलिकडेही आणखी काही आहे जे आपल्यातील क्वचित एखाद्याला माहित असतं. प्रत्येकाला आठ सामान्य रक्तगटांची माहिती आहे, पण एक असा रक्तगट देखील आहे, जो जगभरात फक्त ४५ लोकांमध्ये आढळला आहे. या रक्तगटाला गोल्डन ब्लड असे म्हणतात. हे रक्त जगातील दुर्मिळ रक्तगटांपैकी एक आहे. या रक्तगटात सकारात्मक आणि नकारात्मक घटक नसतात आणि ते सर्व रक्तगटांना दिले जाऊ शकते, अगदी ओ रक्तगट असलेल्यांनाही हे रक्त दिले जाऊ शकते.

आरएच नल रक्तगट धोकादायक

आरएच नल रक्तगट हे अत्यंत दुर्मिळ रक्तगट आहे ज्यामध्ये अॅंटीजन अटॅच्ड नाहीत. यामुळे, हे रक्त पॉझिटिव्ह किंवा नेगेटिव्ह आहे हे समजत नाही.
जगातील ५० पेक्षा कमी लोकांमध्ये हा रक्तगट आहे. ज्यामध्ये रक्तदात्यांचा विचार केल्यास केवळ ८ ते ९ लोक आहेत.
अँटीजेन्स आपल्या शरीराला अनेक संक्रमणांपासून वाचवतात, परंतु या रक्तगटात अॅंटीजन अटॅच्ड नसल्यामुळे कोणत्याही प्रकारच्या संसर्गाचा धोका खूप जास्त असतो.
हे रक्त पहिल्यांदा ऑस्ट्रेलियातील आदिवासी गटात आढळून आले. या रक्तगटाच्या लोकांना किडनी इन्फेक्शन, हार्ट फेल्युअर, सेप्टिक इन्फेक्शन होण्याची शक्यता जास्त असते.
त्यांना जास्त लोहयुक्त आहार घेण्याचा सल्ला दिला जातो जेणेकरून ते धोक्यांपासून सुरक्षित राहतील.
एकंदरीत त्यांचे आयुष्य खूप खडतर आणि वेगळे आहे. दुर्मिळ गट असल्याने त्यांच्या रक्ताचा वापर करून भरपूर बचत करण्याचा प्रयत्न केला जातो.
वैद्यकीय भाषेत त्याला आरएच नल रक्तगट म्हणतात.

गोल्डन ब्लडचा एक थेंबही सोन्यापेक्षा जास्त महाग असतो.

संशोधनानुसार, मानवी शरीराला योग्य प्रकारे कार्य करण्यासाठी पाच लिटर रक्ताची आवश्यकता असते. गोल्डन ब्लड हे तर, फारच दुर्मिळ आहे.याचे कारण त्याची दुर्मिळता आहे. त्याला आरएच नल ब्लड म्हणतात.

आरएच फॅक्टर म्हणजे काय?

दोन मुख्य अॅंटीजन ए आणि बी आहेत.
ए आणि बी प्रमुख आहेत, तर ओ रिसेसिव्ह आहे.
रीसस डी अॅंटीजन आहे, जो आपल्याला सर्व पॉझिटिव्ह/ नेगेटिव्ह गोष्टी देतो आणि त्याला आरएच घटक म्हणतात.

ओ रक्तगटालाही गोल्डन ब्लड उपयुक्त

आरएच नल रक्त एखाद्या व्यक्तीच्या शरीरात आढळते ज्याचा आरएच फॅक्टर शून्य आहे.
मानवी शरीरात, हा आरएच सहसा पॉझिटिव्ह किंवा नेगेटिव्ह असतो.
सर्व वैद्यकीय चाचण्यांनंतर कोणत्याही गटातील व्यक्तीला ते दिले जाऊ शकते. म्हणजेच एखाद्याचा रक्तगट ओ असेल तर त्याला गोल्डन ब्लड देता येते.

गोल्डन ब्लड ग्रुपच्या लोकांना हा त्रास होतो

गोल्डन ब्लड ग्रुपच्या लोकांनाही वेगवेगळ्या समस्या असतात. या गटातील लोक अनेकदा अशक्तपणाची तक्रार करतात आणि त्यांना जास्त लोहयुक्त पदार्थ खाण्यास सांगितले जाते. त्यांच्या रक्तात अॅंटिजन नसते.