अकरावी प्रवेशासाठी १६ फेब्रुवारीपर्यंत मुदतवाढ

मुक्तपीठ टीम

अकरावी प्रवेशासाठी विद्यार्थ्यांना मोठा दिलासा मिळाला आहे. ज्या विद्यार्थ्यांना काही अपरिहार्य कारणास्तव आपला प्रवेश घेता आला नाही आहे, त्यांना प्रवेश निश्चित करता यावेत यासाठी, इयत्ता अकरावीच्या ऑनलाईन प्रवेश प्रक्रियेत FCFS 2.0 ला मुदतवाढ देण्यात आलेली आहे, अशी माहिती माध्यमिक व उच्च माध्यमिक शिक्षण संचालक दत्तात्रय जगताप यांनी दिली आहे. आता विद्यार्थ्यांना १६ फेब्रुवारीपर्यंत प्रवेश निश्चित करता येईल.

Participate in FCFS मधून अर्ज करणे व allotment घेणे १६ फेब्रुवारी २०२१ रात्री १० वाजेपर्यंत मुदत देण्यात आली आहे. तर Allotment घेणे यासाठी मुलांनी आपला प्रवेश विद्यालयात निश्चित करण्यासाठी १६ फेब्रुवारी रोजी सायंकाळी ६ वाजेपर्यंत मुदत देण्यात आली आहे.

तर प्रवेश रद्द करण्यासाठी १५ फेब्रुवारी रोजी रोजी सायंकाळी ०६ वाजेपर्यंत मुदत देण्यात आली आहे. तरी सर्व विद्यार्थ्यांनी मिळालेल्या वाढीव वेळेत आपला प्रवेश घ्यावा. ही २०२०-२१ साठी शेवटची संधी असेल असं दत्तात्रय जगताप यांनी सांगितलं आहे.

छायाचित्र सौजन्य : Examistan