मुक्तपीठ टीम
कोरोना महामारीच्या घटत्या संसर्गामुळे देश आणि जगामध्ये अर्थव्यवस्थेला गती मिळत आहे. या दरम्यान, मायक्रोब्लॉगिंग वेबसाइट ट्विटरचे सीईओ पराग अग्रवाल यांनी नुकतीच एक मोठी घोषणा केली. त्यांनी व्यवसाय प्रवास लवकरच सुरू करण्याची आणि १५ मार्चपासून सर्व कार्यालये सुरू करण्याची माहिती दिली. यासंदर्भात पराग अग्रवाल यांनी ट्विटरवर एक पत्र पोस्ट केले आहे.
ट्विटरवरील पत्राद्वारे पराग अग्रवाल यांची मोठी घोषणा
- पराग अग्रवाल यांनी आपल्या पत्रात लिहिले आहे की, सध्या जगभरात अनेक गोष्टी घडत आहेत.
- सर्व देश या महामारीतून सावरत आहेत. अशा परिस्थितीत आम्ही एक अतिशय महत्त्वाचा निर्णय घेतला आहे, जो मला तुमच्याशी शेअर करायचा आहे.
- आमची सर्व कार्यालये आणि व्यावसायिक प्रवास जवळपास दोन वर्षांपासून बंद आहेत. अशा परिस्थितीत, आम्ही आमचा व्यावसायिक प्रवास आणि सर्व कार्यालये उघडणार आहोत हे जाहीर करताना मला अतिशय आनंद होत आहे.
- व्यवसाय प्रवास तत्काळ सुरू केला जात आहे, तर सर्व कार्यालये १५ मार्चपासून सुरू होतील.
पराग अग्रवाल आपल्या कर्मचाऱ्यांना ट्विटरद्वारे माहिती देताना
- पराग अग्रवाल यांनी लिहिले की, महामारीच्या सुरुवातीपासूनच आमच्या सर्व सहकाऱ्यांना सुरक्षित ठेवणे हे आमचे प्राधान्य आहे आणि ते नेहमीच राहील.
- आता आम्ही अशा परिस्थितीत पोहोचलो आहोत जिथे आम्ही आमचे जीवन जगत आहोत आणि स्थानिक आरोग्य मार्गदर्शक तत्त्वांनुसार काम करत आहोत. अशा प्रकारे तुम्ही स्वतः काम करू शकता.
- तुम्हाला सुरक्षित वाटेल तिथे तुम्ही प्रवास करू शकता. तुम्हाला हव्या असलेल्या कोणत्याही कार्यक्रमात तुम्ही सहभागी होऊ शकता.
Subscribe
