घंटागाडीचा आनंद! महिलांचा धमाल नाच!

सरकारी काम, अन् चार महिने थांब, हे तसं सामान्यांच्या चांगलंच अंगवळणी पडलेलं आहे. पण त्याच जनतेला त्यांनी केलेली मागणी वेळेपूर्वी पूर्ण झाली की कसा अत्यानंद होतो, याची प्रचिती नुकतीच आली. पुसद शहराजवळच्या श्रीरामपूर ग्रामपंचायतीत कचरा वाहून नेण्यास त्रास होत असल्याने कचरा गाडीची मागणी महिलांनी केली होती. ती त्यांच्या अपेक्षेपेक्षाही वेगानं लगेच पूर्ण झाली. अन् महिलांनी ‘गाडीवाला आया, घर से कचरा निकाल’, या गाण्यावर चक्क कचरा गाडीसमोरच ठेका धरला.