अखिलेश यादवांची डोकेदुखी: तिकिट नाकारताच इच्छुकांची सायकल सोडून बसपाच्या हत्तीवर स्वारी!

मुक्तपीठ टीम

येत्या विधानसभा निवडणुकीच्या पार्श्वभूमीवर समाजवादी पक्षाकडून अनेक भाजपा आणि बसपा सोडून आलेल्या उमेदवारांना तिकीट दिली जात आहे. सपाकडून बहुतेकांना विजयी उमेदवार मानून तिकीट देण्यात आले आहेत. मात्र पक्षातील जुन्या नेत्यांना सपा अध्यक्ष अखिलेश यादवांची ही खेळी पसंत नसल्याचे दिसतेय. तिकीट न मिळालेले सपाचे जुने नेते नाराज आहेत आणि भाजपा आणि बसपामध्ये प्रवेश करून निवडणुकीच्या मैदानात उतरले आहेत. पश्चिमेनंतर आता मध्य उत्तर प्रदेश, बुंदेलखंड, अवध आणि पूर्वांचलमध्ये अशा प्रकारची बंडखोरी सपासाठी आव्हान बनले आहेत.

अयोध्येतील रुदौलीतून तिकीट न मिळाल्याने माजी आमदार अब्बास अली झैदी रश्दी मियाँ यांनी सपाचा राजीनामा दिला आहे. बसपाच्या तिकिटावर ते रिंगणात आहेत. बिकापूर येथील सपा नेते अनूप सिंह यांनी अपक्ष अर्ज भरला आहे. शबाना खातून यांना तांड्यात तिकीट न मिळाल्याने त्या बसपामधून निवडणूक लढवत आहेत.मदियानहूमध्ये माजी आमदार श्रद्धा यादव यांना तिकीट देण्याऐवजी सपाने बसपामधून आलेल्या मुंगरा बादशाहपूरच्या आमदार सुषमा पटेल यांना उमेदवारी दिली. अशा स्थितीत श्रद्धाही बंडखोर झाली आहे. बसपा किंवा अपक्ष निवडणूक लढवण्याची तयारीही त्यांनी केली आहे. महोबामध्ये माजी आमदार सिद्ध गोपाल साहू यांचे तिकीट कापण्यात आले, त्यानंतर त्यांचे बंधू संजय साहू बसपकडून रिंगणात उतरले आहेत. उतरौला येथील माजी आमदार आरिफ अन्वर हाश्मी यांचे तिकीट कापण्यात आले आहे. हसीब हसन यांना येथे उभे केल्याने ते नाराज झाले असून निवडणुकीच्या रिंगणात उतरण्याच्या तयारीत आहेत. मसूद आलम खान यांना तुळशीपूरमधून तिकीट देण्यात आले आहे. त्यामुळे तुरुंगात असलेल्या रिजवान झहीरच्या छावणीत नाराजी आहे. तेही निवडणुकीच्या रिंगणात उतरतील अशी अपेक्षा आहे.

भाजप आणि काँग्रेसमधून निवडणूक लढवणार:

श्रावस्तीतून तिकिटासाठी इच्छुक माजी आमदार मो. रमजान यांना मटेरामधून उमेदवारी देण्यात आल्याने त्यांनी तिकीट परत केले.
ते काँग्रेसच्या तिकिटावर श्रावस्तीतून मैदानात उतरले.
सपाकडून तिकीट न मिळाल्याने मनोज प्रजापती हे हमीरपूरमध्ये भाजपाकडून निवडणूक लढवत आहेत.
अमेठीमध्ये सपाने आधी रचना कोरी यांना तिकीट दिले, त्यानंतर विमलेश पासी यांना उमेदवारी दिली.
त्यामुळे नाराज रचना कोरी यांनी भाजपामध्ये प्रवेश केला आहे.
सुलतानपूर इसौलीमधून तिकीट न मिळाल्याने बीएम यादव यांनी काँग्रेसमध्ये प्रवेश केला आहे.

सपाकडून स्वामी आणि बसपकडून इलियास:

फाजिलनगर जागेवर सपाने भाजपातून आलेल्या स्वामी प्रसाद मौर्य यांना उमेदवारी दिल्याने सपाचे माजी जिल्हाध्यक्ष इलियास अन्सारी बंडखोर झाले आहेत.
ते बसपाकडून उमेदवारी लढवत आहेत.
इलियास आता सपा आणि अखिलेश यादव यांच्यावर निशाणा साधत आहेत.
इलियास अन्सारी हे गेल्या ३० वर्षांपासून समाजवादी पक्षाच्या सक्रिय राजकारणाशी संबंधित आहेत.

तिकीट न मिळाल्याने नाराज उमेदवारांचा इतर पक्षांत प्रवेश…

तिकीट नाकारण्यात आल्यानंतर मुरादाबाद देहाटमधील सपा आमदार हाजी इकराम कुरेशी काँग्रेसकडून तर कुंडर्कीचे आमदार हाजी रिझवान बसपाकडून निवडणूक लढवत आहेत.
फिरोजाबाद सदरमधून अजीमची पत्नी साजिया हसन तिकीट न मिळाल्याने बसपामध्ये गेल्या आहेत.
सपाचे माजी आमदार ओमप्रकाश हे भाजपाच्या तिकीटावर शिकोहाबादमधून रिंगणात आहेत.
फारुखाबादचे सातवेळा आमदार राहिलेले नरेंद्र सिंह यादव यांनी सपाचा राजीनामा दिला आहे. त्यांनी अमृतपूरमधून अपक्षांचा पराभव केला आहे.
इटाहचे माजी आमदार अजय यादव यांनीही निवडणुकीच्या मोसमात हत्तीवर स्वारी केली आहे.