मुक्तपीठ टीम
आपल्या महाराष्ट्रातील नेते आणि केंद्रीय सामाजिक न्यायमंत्री रामदास आठवले म्हणजे एक मोकळा ढोकळा माणूस. रिपब्लिकन पार्टी ऑफ इंडियाचे अध्यक्ष असणारे आठवले शीघ्रकवी असल्याने अनेकदा त्यांना चेष्टेचा विषय ठरवण्याचा प्रयत्न होतो. मात्र, यावेळी त्यांनी ट्विटरवर जे इंग्रजीचे क्लास घेतलेत त्यामुळे इंग्रजीचे प्रकांड पंडित असणारे काँग्रेस नेते शशि थरुर यांचा सारखा उचभ्रू Elite उघडा पडला. आठवलेसरांनी चक्क थरुरांच्या ट्वीटमधील इंग्रजीच्या चुका दाखवल्या. थरुरांनीही त्या मान्य केल्या!
थरूर यांचे ट्वीट
- थरूर यांनी अर्थमंत्री निर्मला सीतारामन यांचा एक फोटो ट्विट केला आहे, ज्यामध्ये त्यांच्या मागे रामदास आठवले बसलेले दिसत आहेत.
- थरूर यांनी लिहिले की, मंत्री रामदास आठवले यांच्या चेहऱ्यावरील आश्चर्याचे भाव सारे काही सांगत आहेत.
- अर्थव्यवस्था आणि अर्थसंकल्पाबाबत अर्थमंत्र्यांच्या दाव्यांवर त्यांच्या आघाडीचाही विश्वास बसत नाही,” असे थरूर यांनी म्हटले.
Nearly two-hour rely to the Bydget debate. The stunned & incredulous expression on Minister @RamdasAthawale’s face says it all: even the Treasury benches can’t believe FinMin @nsitharaman’s claims about the economy & her Budget! pic.twitter.com/wOGY7TJYg8
— Shashi Tharoor (@ShashiTharoor) February 10, 2022
रामदास आठवलेंचे जोरदार प्रत्युत्तर
- या ट्वीटला केंद्रीय मंत्री आठवले यांनी उत्तर दिले आहे.
- “प्रिय शशी थरूर जी, असे म्हणतात की अनावश्यक दावे आणि विधाने करताना चुका होणारच.
- इथे ‘Bydget’ नाही तर BUDGET होईल आणि rely ऐवजी ‘reply’ होईल! पण आम्ही समजू शकतो!” असे आठवले यांनी म्हटले आहे.
- रामदास आठवलेंची ही पोस्ट सोशल मीडियावर जोरदार व्हायरल आहे.
Dear Shashi Tharoor ji, they say one is bound to make mistakes while making unnecessary claims and statements.
It’s not “Bydget” but BUDGET.
Also, not rely but “reply”!
Well, we understand! https://t.co/sG9aNtbykT
— Dr.Ramdas Athawale (@RamdasAthawale) February 10, 2022
थरूर यांनी मान्य केल्या चुका!
- रामदास आठवले यांनी पकडलेल्या चुका थरूर यांनी मान्य केल्या.
- पण थरूर यांनी सीतारामण यांनाही चिमटा काढला.
- टायपिंगमधील चुकीमुळे हा प्रकार घडल्याचे त्यांनी सांगितले.
- पुढे सुनावले “बेफिकीरपणे टायपिंग करणे हे खराब इंग्रजीपेक्षा मोठे पाप आहे..!”
- जेएनयूमधील एकाला तुमच्या शिकवणीचा फायदा होऊ शकतो, असे थरुर यांनी म्हटले.
I stand corrected, Ramdas ji. Careless typing is a bigger sin than bad English!
But while you’re on a roll, there’s someone at JNU who could benefit from your tuition…..— Shashi Tharoor (@ShashiTharoor) February 10, 2022
थरुरांच्या इंग्रजीतील चुका पकडणं मोठी कामगिरी!
- काँग्रेसचे ज्येष्ठ नेते आणि तिरुअनंतपुरमचे खासदार शशी थरूर यांचे इंग्रजी भाषेवर प्रभुत्व आहे. त्यांनी वापरलेले इंग्रजीतील लांबलचक शब्द कधीकधी पट्टीच्या इंग्रजी भाषातज्ज्ञांनाही बुचकळ्यात टाकतात.
- पण गुरुवारी थरूर यांच्या ट्विटरवर इंग्रजीतील अनेक चुका पकडल्या गेल्या.
- केंद्रीय मंत्री रामदास आठवले यांनी त्या सोप्या इंग्रजीतील चुका पकडल्यानं ते प्रचंड हिट ठरले!
Subscribe
