मुक्तपीठ टीम
देशात कोरोनासह ओमायक्रॉनचा धोका वाढत आहे. त्यामुळे पुन्हा एकदा देशाची चिंता वाढली आहे. या वाढत्या रुग्णसंख्येमुळे प्रशानसही सतर्क झाली आहे. दरम्यान इंडियन काऊन्सिल ऑफ मेडिकल रिसर्चने (ICMR) कोरोना चाचणीबाबत नवीन सुधारित नियमावली जारी केली आहे. आयसीएमआरच्या नव्या नियमावलीनुसार, कोरोना रुग्णांच्या संपर्कात आलेल्या लोकांची कोरोना चाचणी करण्याची आवश्यकता नाही.
केंद्र सरकारकडून सोमवारी कोरोना चाचणीबाबत नव्या गाईडलाईन्स जारी करण्यात आल्या. जर एखाद्या व्यक्तीला कोरोनाचा संसर्ग झाला, तर त्याच्या संपर्कात आलेल्यांना कोरोना चाचणी करण्याचा सल्ला दिला जातो. मात्र, आता आयसीएमआरच्या या निर्णयानुसार आता कोरोना रुग्णांच्या संपर्कात आलेल्या लोकांची कोरोना चाचणी करण्याची गरज नाही. कोरोना रुग्णाच्या संपर्कातील व्यक्तीला जास्त धोका नसेल अशाच व्यक्तींसाठी हा निर्णय आहे. मात्र, ज्यांचे वय जास्त आहे किंवा त्यांना अन्य आजार आहे, त्यांना कोरोना चाचणी करावी लागणार आहे. कोरोना रुग्णांचा संपर्कातील व्यक्तीच्या कोरोना चाचणीबाबत आता आयसीएमआरने नवी नियमावली जारी केली आहे.
आयसीएमआरची नवी नियमावली
- आयसीएमआरनं सरसकट चाचण्यांसंदर्भात नवी नियमावली जारी केली आहे.
- कोरोनाबाधितांच्या संपर्कात आलेल्या सर्वांची चाचणी करण्याची गरज नाही, असं आयसीएमआरनं म्हटलं आहे.
- त्याचबरोबर जी व्यक्ती ६० वर्षापुढील आहे किंवा ज्यांना मधुमेह, उच्च रक्तदाब, फुफ्फुसात त्रास किंवा त्यासंबंधी आजार असेल तर त्यांना कोरोना चाचणी करण्याची गरज आहे.
- व्याधीने ग्रासलेल्या व्यक्तींना लवकर विलगीकरणात ठेवून त्यांच्यावर उपचार करण्याच्या सूचनाही आयसीएमआरनं दिल्या आहेत.
- सध्या कोरोनाची आकडेवारी वाढत असली तरी रुग्णालयात दाखल होण्याचं प्रमाण कमी आहे, मात्र कुणीही बेफिकीर न राहण्याचं आयसीएमआरनं सांगितलं आहे.
Subscribe
