कन्नड सुपरस्टार पुनीत राजकुमार यांचं निधन, कर्नाटकात हाय अलर्ट!

मुक्तपीठ टीम

कन्नड सुपरस्टार पुनीत राजकुमार यांचे धक्कादायकरीत्या निधन झाले. आपल्या फिटनेससाठी ओळखले जाणारे सुपरस्टार राजकुमार यांचे शुक्रवारी हृदयविकाराच्या झटक्याने निधन झाले. पुनीत राजकुमार अवघ्या ४६ वर्षांचा होते.

• पुनीत राजकुमार यांच्या निधनाच्या बातमीने मनोरंजन क्षेत्राला धक्का बसला आहे.
• बॉलीवूड सेलिब्रिटींपासून ते साऊथ इंडस्ट्रीपर्यंत लोक त्यांच्या निधनाचं कळताच शोक व्यक्त करत आहेत.
• पुनीत यांच्या मृत्यूची बातमी समजताच कर्नाटक सरकारने राज्यात हाय अलर्ट जाहीर केला आहे. पुनीत यांनी ३० हून अधिक कन्नड चित्रपटांमध्ये काम केले होते.

सकाळी रुग्णालयात, दुपारी मृत्यू झाला

• शुक्रवारी सकाळी पुनीत राजकुमारने छातीत दुखत असल्याची तक्रार केली.
• त्यानंतर लगेचच त्यांना बंगळुरू येथील रुग्णालयात दाखल करण्यात आले.
• पुनीत राजकुमार यांना हृदयविकाराचा झटका आल्याचे रुग्णालयात तपासणी दरम्यान आढळून आले.
• उपचारादरम्यान त्यांचा मृत्यू झाला.

कर्नाटकात हाय अलर्ट!

• पुनीत राजकुमार यांना त्यांचे चाहते अप्पू आणि पॉवर हाऊस म्हणून ओळखत होते.
• सोशल मीडियावर पुनीत राजकुमारांच्या निधनाबद्दल पोस्ट्सचा पाऊस पडत आहे.
• यूजर्स सातत्यानं काहीतरी लिहित आहेत.
• त्यांच्या मृत्यूनंतर काही वेळातच कर्नाटक सरकारने राज्यात हाय अलर्ट जाहीर केला आहे. यासोबतच सर्व चित्रपटगृहे तातडीने बंद करण्याचे आदेशही देण्यात आले आहेत.
• त्याचे चाहते रस्त्यावर येऊन त्यांनी भलतं काही करु नये म्हणून हे सावधगिरीचे पाऊल उचलण्यात आले आहे.