“जावयाला गांजा प्रकरणात पकडताच मंत्री म्हणतात हर्बल तंबाखू, मग शेतकऱ्यांनाही ती लावायची परवानगी द्या!”

मुक्तपीठ टीम

विरोधी पक्षनेते देवेंद्र फडणवीस यांनी नांदेडमधील प्रचारसभेत बोलताना आघाडी सरकारवर हल्लाबोल केला. एका मंत्र्याचा जावई गांजा विकताना आढळून आला. पण मंत्री म्हणतो की ती तर हर्बल तंबाखू आहे. मग आमचे सदाभाऊ खोत म्हणाले की आमच्या मराठवाड्यातील शेतकऱ्यांची अवस्था अतिशय वाईट आहे. कोणतेही पीक हाती लागत नाही. तुमचा मंत्री हर्बल तंबाखू पिकवू शकतो तर शेतकऱ्यांनाही हर्बल तंबाखू लावायची परवानगी द्या. म्हणजे शेतकऱ्यांना चांगले दिवस येतील, असे त्यांनी नवाब मलिकांच्या जावयाच्या संदर्भात सुनावले.

…तर शेतकऱ्यांनाही हर्बल तंबाखू लावायची परवानगी द्या

• देगलूर-बिलोली विधानसभा पोटनिवडणुकीत भाजप उमेदवार सुभाष साबणे यांच्यासाठी विरोधी पक्षनेते देवेंद्र फडणवीस मैदानात उतरले आहेत.
• यावेळी फडणवीस यांनी एका प्रचारसभेत बोलताना महाविकास आघाडी सरकार आणि मुख्यमंत्री उद्धव ठाकरे यांच्यावर जोरदार हल्ला चढवलाय.
• एका मंत्र्याचा जावई गांजा विकताना आढळून आला.
• पण मंत्री म्हणतो की ही हर्बल तंबाखू आहे.
• मग आमचे सदाभाऊ खोत म्हणाले की आमच्या मराठवाड्यातील शेतकऱ्यांची अवस्था अतिशय वाईट आहे.
• तुमचा मंत्री हर्बल तंबाखू पिकवू शकतो तर शेतकऱ्यांनाही हर्बल तंबाखू लावायची परवानगी द्या.
• म्हणजे शेतकऱ्यांना चांगले दिवस येतील, अशी खोचक टीका फडणवीस यांनी नवाब मलिकांवर केलीय.

या सरकारनं गरीबाला एकही घर दिलं नाही

• खरं म्हणजे ही पोटनिवडणूक आली नसती तर बरं झालं असतं.
• मात्र, ही निवडणूक आल्यावर या माध्यमातून इथल्या मतदारांना एक संधी मिळालीय.
• राज्य सरकारच्या कामावर नापसंती व्यक्त करण्याची ही संधी मिळतेय.
• या सरकारने २ वर्षात राज्यात केवळ भष्ट्राचार केला. प्रधानमंत्री आवास योजनेतून दहा लाख लोकांना घरं दिली.
• गॅस सिलिंडर मिळालं पाहिजे.
• पण या सरकारनं गरीबाला एकही घर दिलं नाही.
• फक्त छपाई आणि पैसे कमावण्याचा उद्योग सुरु आहे.
• आयकर खात्याच्या घाडीत हजारो कोटी सापडले आहेत.
• ते जमा करताना सगळा हिशेबही ठेवलाय.

मतदान झालं की इथेही वीज कट करायला येतील

• आमच्या काळात पाच वर्षात एकाही शेतकऱ्याचं वीज कनेक्शन कापलं नाही.
• एकाही शेतकऱ्याची त्याबाबत तक्रार नाही.
• मात्र, या सरकारमध्ये सर्रास वीज कापली जात आहे.
• नांदेडमध्येही हे फक्त पोटनिवडणुकीसाठी थांबले आहेत.
• एकदा पोटनिवडणूक होऊ द्या, मग इथेही वीज कट करायला येतील.
• कोरोना काळात केंद्र सरकारनं मोठी मदत केली.
• पण राज्य सरकारनं एका नव्या पैशाची मदत केली नाही.
• मूठभर धन दांडग्या लोकांचं हे सरकार आहे.
• मालदार, शेठ, सावकार लोकांचं हे सरकार आहे.