सामान्य माणसाच्या खिशाला आग! महानगर गॅसची सीएनजी, पीएनजी दरवाढ!

मुक्तपीठ टीम

केंद्र सरकारने गेल्या आठवड्यात देशांतर्गत नैसर्गिक वायूच्या किंमतीत ६२ टक्के वाढीची घोषणा केली होती. त्यानंतर महानगर गॅस लिमिटेड (एमजीएल) ने सीएनजी आणि पीएनजीच्या किरकोळ किंमतीत २ रुपये प्रति किलो वाढ केली आहे. त्यामुळे आता स्वयंपाकांप्रमाणेच गाड्यांचा प्रवासही महागला आहे. त्यामुळे ही दरवाढ सीएनजी-पीएनजी ग्राहकांच्या खिशालाच आग लावणारी मानली जात आहे.

ग्राहकांच्या खिशाला आग…

गॅस पुरवठ्याच्या खर्चामध्ये प्रचंड वाढ झाली आहे.
एमजीएलने सीएनजीची मूळ किंमत २ रुपये प्रति किलो आणि घरगुती पीएनजी २ रुपये प्रति युनिट किंवा एससीएमने वाढवावी लागत आहे.
ही माहिती एमजीएलने एका निवेदनाद्वारे दिली आहे.
मुंबईतील हजारो वाहने सीएनजीवर चालतात.
त्यामुळे वाहतुकीच्या भाडेदरात वाढ होऊ शकते.
पीएनजी गॅसच्या दरवाढीमुळे सामान्यांच्या खिशाला झळ लागू शकते.

तरीही गॅस पेट्रोलपेक्षा स्वस्त!

आता मुंबईत सीएनजी सर्व करांसह ५४.५७ रुपये प्रति किलो आहे.
दुसरीकडे, स्लॅब एका ग्राहकांसाठी पीएनजी ३२.६७ रुपये/एसएमएम आणि दोन ग्राहकांसाठी ३८.२७ रुपये/एससीएम असेल.
या दरवाढीनंतरही सीएनजी पेट्रोलपेक्षा ६५ टक्के स्वस्त आणि डिझेलपेक्षा ४४ टक्के स्वस्त असेल.
घरगुती पीएनजी एलपीजीपेक्षा ३४ टक्के स्वस्त आहे.