“आदिवासी विकास विभागातील शिक्षकांची पदे पवित्र पोर्टल मार्फत भरण्यात यावीत”: अश्विनी कडु

मुक्तपीठ टीम

आदिवासी विकास विभागातील सर्व पदे पवित्र पोर्टल मार्फत भरण्यात यावी अशी मागणी युवाशाही संघटनेच्या वतीने आदिवासी विकास मंत्री यांच्या कडे मागणी केली. मागील वेळीही, आदिवासी विकास राज्यमंत्री प्राजक्तदादा तनपुरे यांच्या कडेही संघटनेच्या वतीने मागणी करण्यात आली. येणारी नॉन पेसा ची भरती प्रक्रिया पवित्र पोर्टल मार्फत घेतल्यास गुणवत्ता पुर्ण पात्र युवकांना न्याय मिळुन भरती प्रक्रियेत पारदर्शकता येईल.

शिवाय विद्यार्थ्यांना शिक्षक सुद्धा गुणवत्ता पात्र मिळून गुणवत्ता वाढीस चालना मिळेल त्यामुळे यापुढील अदिवासी विकास विभागातील शिक्षकांची सर्व पदे पवित्र पोर्टल मार्फत भरण्यात यावीत अशी मागणी युवाशाही संघटनेच्या वतीने काल आदिवासी विकास मंत्री अॅड के. सी. पाडावी यांची भेट घेऊन, निवेदन दिले व चर्चा करण्यात आली, त्यांनीही यावर लवकरच सकारात्मक निर्णयाचे आश्वासन दिले. यावेळी संघटनेच्या उपाध्यक्ष अश्विनी कडु, सचिव प्रमोद देसले, अंकुश भोईर, परमेश्वर ईगोंले यासह ईतर पदाधिकारी उपस्थित होते.