मुक्तपीठ टीम
केंद्रीय मंत्री नारायण राणे यांनी नुकताच विधानसभेचे विरोधीपक्ष नेते देवेंद्र फडणवीस, विधानपरिषदेचे विरोधीपक्ष नेते प्रवीण दरेकर यांच्या यांच्यासोबत पूरग्रस्त चिपळूणचा दौरा केला. या दौऱ्यादरम्यान राणेंचा एक व्हिडीओ समोर आला आहे. त्यात ते एका अधिकारीला झापत असून मध्ये बोलण्याचा प्रयत्न करणारे प्रविण दरेकरांनाही त्यांनी सर्वासमोर गप्प केल्याच दिसतं आहे.
नारायण राणे हे विरोधी पक्षनेते देवेंद्र फडणवीस आणि प्रवीण दरेकर यांच्यासोबत पूरग्रस्त चिपळूणची पाहणी करण्यासाठी आले होते. पाहणीच्या वेळी एकही सरकारी अधिकारी सोबत नसल्यानं राणे चांगलेच संतापलेले होते. ते म्हणाले, पूरग्रस्तांच्या डोळ्यात अश्रू असताना तुम्ही दात काढता, ऑफिसमध्ये काय करता, तिथे का नाही आलात. त्यावेळी दरेकरांनी मध्ये बोलण्याचा प्रयत्न केला असताना राणेंनी “थांब रे मध्ये बोलू नको” असं राणे दरेकरांना झापले. त्यानंतर दरेकरही गप्प झाले. दरेकरांचे भाजपातील पॉलिटिकल गॉडफादर आणि विधानसभेतील विरोधी पक्षनेते देवेंद्र फडणवीस हे स्वत: यावेळी उपस्थित होते. या व्हिडिओची सध्या राज्यभर चर्चा आहे.
राणेंची फ्री स्टायल!
- नारायण राणे- (अधिकाऱ्यांना) तुम्हाला सोडू का मॉबमध्ये?
- नारायण राणे- (प्रवीण दरेकरांच्या दिशेने हात करत) थांब रे मध्ये बोलू नको.
- नारायण राणे – (अधिकाऱ्यांना) काय चेष्टा समजली?
- आम्ही इथं फिरायला आलो आहे का?
- तुमचा एकही अधिकारी इथं नाही?
- लोकांचं आयुष्य उद्ध्वस्त झालंय आणि तुम्ही इथं दात काढताय? लोकं रडत आहेत, त्यांच्या डोळ्यात अश्रू आहेत.
- विरोधी पक्षाचे नेते इथं आलेत, तुम्ही ऑफिसमध्ये काय करताय?
- अशा शब्दांत राणेंनी त्या अधिकाऱ्याला झापलं.
Subscribe
