मुक्तपीठ टीम
कोरोना महामारीच्या संकट काळात अनेक सेलिब्रिटींनी मदतीचा हात पुढे केला. महानायक अमिताभ बच्चनही मागे नाहीत. त्यांनी देशभरात अनेक संस्थांना मदत केली. त्यातही चर्चा झाली ती ऑक्सिजन लंगर उपक्रमाला केलेल्या मदतीची. त्यांनी मुंबई मनपाच्या सायन रुग्णालयालाही मदत केली आहे. ‘क्लास – 1’ प्रकारातील दोन अत्याधुनिक अतिदक्षता व्हेंटिलेटर रुग्णालयास दिले आहेत. त्याचबरोबर मॉनिटर्स, सीआर्म ईमेज इन्टेन्सीफायर, इन्फ्युजन पंप इत्यादी सुमारे रुपये पावणे दोन कोटी किंमतीची वैद्यकीय यंत्र सामुग्रीदेखील रुग्णालयास दिली आहे. रुग्णालयाचे अधिष्ठाता डॉ. मोहन जोशी यांनी रुग्णालयातील सर्व डॉक्टरांच्या व वैद्यकीय कर्मचाऱ्यांच्या वतीने अमिताभ बच्चन यांचे आभार मानले आहेत.
• सदर दोन्ही ‘व्हेंटिलेटर’ हे शीव रुग्णालयातील शल्यचिकित्सा विभागात काही दिवसांपूर्वी कार्यान्वित करण्यात आले आहेत.
• आत्तापर्यंत सुमारे ३० रुग्णांवर प्रभावी उपचार करण्यात आले आहेत.
• देणगीत मिळालेले दोन्ही दोन्ही ‘व्हेंटिलेटर’ हे संगणकीय प्रणाली आधारित अत्याधुनिक आणि अद्ययावत ‘व्हेंटिलेटर’ आहेत.
महानायकानं दिलेल्या व्हेंटिलेटर्समधील महासुविधा!
• ऑक्सिजन पातळी खालावलेल्या किंवा श्वास घेण्यास अडचणी येत आहेत, अशा रुग्णांना या यंत्रांद्वारे ऑक्सिजन देण्यात येते.
• ‘व्हेंटिलेटर्सद्वारे गरजू रुग्णांना १०० टक्क्यांपर्यंत ऑक्सिजन देण्याची सुविधा यामध्ये आहे.
• त्याचबरोबर ऑक्सिजन दाब आवश्यकतेनुसार कमी-जास्त करण्याची सुविधा सदर ‘व्हेंटिलेटर’मध्ये असून नळीद्वारे थेट फुप्फुसांपर्यंत ऑक्सिजन देण्याची सुविधा देखील यात आहे.
• तसेच ‘नॉन इन्व्हेझिव्ह मास्क’ पद्धतीने ऑक्सिजन देण्याची सुविधा या ‘व्हेंटिलेटर’मध्ये आहे.
Subscribe
