मुक्तपीठ टीम
कोरोनाच्या संकट काळात गरजूंना मदत करण्यामुळे चर्चेत आलेले अभिनेता सोनू सुद यांनी आता छोट्या व्यावसायिकांच्या समस्यांकडे लक्ष वेधले आहे. नुकताच सोनु सूद यांनी आपल्या सोशल मीडिया अकाउंटवर एक व्हिडीओ शेअर केला आहे. प्रचंड व्हायरल होणाऱ्या या व्हिडीओत सोनु सूद अंडी, ब्रेडची सायकलवर विक्री करताना दिसत आहेत. आपल्या या दुचाकीवरील व्यवसायाला त्यांनी ‘सोनु सूद की सुपरमार्केट’ असे नाव दिले आहे. ऑनलाईन खरेदी करताना तुम्ही आपल्या नेहमीच्या विक्रेत्यांना विसरु नका असेच सांगण्याचा प्रयत्न करणारा सोनू सुदचा हा व्हिडीओ थोडक्यात खूप मोठा संदेश देतो.
व्हिडीओत काय?
- या मजेदार व्हिडीओत सोनू सुद सायकलवर बसून आपल्या सुपरमार्केटमधील प्रॉडक्टची माहिती देत आहे.
- ते अंडी, ब्रेड आणि इतर पदार्थांची विक्री करताना दिसत आहेत.
- या व्हिडीओला चाहत्यांनी प्रचंड प्रमाणात पसंत केला आहे.
View this post on Instagram
व्हिडीओत सोनू सुद काय म्हणतात?
- व्हिडीओत सोनू सुद म्हणत आहेत की, बॉस कोण म्हणतय मॉल बंद झाले आहे.
- सर्वात जास्त महत्वाचं सुपरमार्केट तयार आहे.
- सर्व काही आहे माझ्या जवळ.
- अंडा ६ रुपयात तर ब्रेड ४० रुपयात मिळत आहे.
- तसेच इंस्टाग्राम पोस्टच्या कॅप्शनमध्ये त्यांनी लिहिले आहे की, “होम डिलिवरी आणि १० अंडी खरेदी केल्यास एक ब्रेड फ्री..”
तर मग तुम्ही सोनू सुद यांनी जाहिरात केलेल्या सायकल सुपर मार्केटमध्ये खरेदी करणार ना?
Subscribe
