मुक्तपीठ टीम
डहाणूच्या अवघ्या चार वर्षांच्या धनुषने महाराष्ट्रातील सर्वोच्च शिखर कळसुबाई सर केले आहे. पालघर जिल्ह्यातील डहाणू मधील अमूल तांडेल या गडप्रेमीचा मुलगा धनुष हा केवळ चार वर्षाचा आहे. या चिमुकल्याने उंच असलेला कळसुबाई शिखर सर केल्याने ते चर्चेचा विषय बनला आहे. साधारण एक वर्ष आधी धनुष आपल्या वडिलांसोबत डहाणूच्या महालक्ष्मी गडावर गेला होता. तो कुणाच्याही मदतीविना महालक्ष्मी गडावर चढला होता. धनुषचे वडील अमोल हे त्याला वेगवेगळ्या शिखरांवर आणि गडांवर ट्रेकिंगसाठी जात असत. ते घरी परतल्यावर त्यांनी काढलेले व्हिडिओज , फोटो धनुष पाहायचा. याच माध्यमातून त्याला ट्रेकिंगची आवड निर्माण झाली. त्यानंतर अमूलची टीम लॉक डाऊनच्या आधी सेगवा आणि अशेरी गडांवरही गेले होते, तेव्हाही धनुष कोणाचीही मदत न घेता हळूहळू ट्रेकिंग करत होता. आत्ता जेव्हा टीमने कळसुबाईवर जायचं ठरवलं तेव्हा धनुषने स्वतः तयारी दाखवली.
धनुषला त्यांनी बरोबर घेतलं. जेव्हा कळसुबाई चढायला आम्ही सुरुवात केली तेव्हा धनुष कोणाचीही मदत न घेता कळसुबाई सर करू लागला. मात्र, त्याच्या वडिलांना त्याची काळजी वाटत होती. त्यामुळे त्याच्यामागे पुढे राहून त्याच्या हालचालींवर नजर ठेवत होते. मात्र धनुषने कळसुबाई सर करण्याची किमया बेधडकपणे साधली. त्यावेळेस धनुषचा उत्साह पाहण्यासारखा होता. ह्या वेळेस कळसुबाई शिखरावर आलेल्या इतर ट्रेकर्सनेही त्याचे भरभरून कौतुक केले. त्याला सोबत घेऊन व्हिडिओ तसेच फोटो शूट केले. धनुषला कळसूबाई शिखर सर करायला साधारण ३ तास ५० मिनिटे कालावधी लागला, तसेच शिखरावरून खाली उतरण्यासाठी २ तास ३५ मिनिटे एवढा कालावधी लागला.
पाहा व्हिडीओ:
Subscribe
