मुक्तपीठ टीम
राज्यात कोरोनाचा वाढता संसर्ग लक्षात घेता पुन्हा लॉकडाऊनचा निर्णय घेण्यात आला होता. लॉकडाऊन लागू केल्यानंतर कोरोना नियंत्रणात येत असल्याचं दिसत आहे. त्यामुळे येत्या काही दिवसांत ठाकरे सरकार निर्बंध कमी करण्याचा विचार करत आहे. सूत्रांनी दिलेल्या माहितीनुसार राज्यातील अनलॉक प्रक्रिया १ जून पासून सुरू होण्याची शक्यता आहे.
कोरोना नव्या रुग्णसंख्येत घट, बरे होण्याचे प्रमाण ९३ टक्के
- गेल्या काही दिवसांपासून मुंबईत दीड हजाराहून कमी रुग्णांची नोंद होत आहे.
- बरे होण्याचे प्रमाणही ९३ टक्क्यांपर्यंत पोहोचला आहे.
- अशा परिस्थितीत मुंबईत कोरोनाचे निर्बंध शिथिल केले जाण्याची शक्यता आहे.
केवळ १० कंटेनमेंट झोन
- मुंबईतील २४ वॉर्डांपैकी आता केवळ १० वॉर्डांमध्ये कंटेनमेंट झोन आहेत.
- १४ कंटेनमेंट झोनमुक्त झाले आहेत.
- तर ७ प्रभागात मायक्रो कंटेनमेंट झोनही नाही.
- त्याचबरोबर एका वॉर्डात एकही सील इमारत नाही.
- मुंबईत फक्त ४४ कंटेनमेंट झोन कार्यरत आहेत.
- त्यामध्ये सुमारे २ लाख ३० हजार लोक राहतात.
- तर कोरोना रुग्ण बरे झाल्यानंतर २७४७ कंटेनमेंट झोन आता मोकळे करण्यात आले आहेत.
चार टप्प्यात अनलॉकची शक्यता, पहिल्या टप्प्यात दुकाने उघडतील!
- सूत्रांच्या माहितीनुसार, अनलॉक प्रक्रियेचा निर्णय महाराष्ट्रात चार टप्प्यात घेता येईल.
- पहिल्या आणि दुसर्‍या टप्प्यात दुकानांचा निर्णय.
- दुकानांचे सुरुवातीचे तास वाढविले जातील.
- आता बांधकामासाठी आवश्यक दुकानांचा निर्णय त्यासाठीच झाला आहे.
तिसऱ्या टप्प्यात बार-रेस्टॉरंट उघडण्याची तयारी
- तिसर्‍या टप्प्यात सरकार रेस्टॉरंट्स, बार आणि वाइन शॉप्स उघडण्यास परवानगी देऊ शकते.
- त्यांच्यासाठी एसओपी तसेच सोशल डिसन्टसिंगचे नियम लागू असतील.
चौथ्या टप्प्यात स्थानिक आणि धार्मिक स्थळे उघडतील!
- चौथ्या टप्प्यात उर्वरित निर्बंध हटविले जाऊ शकतात.
- चौथ्या टप्प्यात, स्थानिक सेवा आणि मंदिरे उघडण्यासही सरकार मान्यता देऊ शकते.
- त्याशिवाय ज्या जिल्ह्यात लॉकडाउन किंवा कडक निर्बंध घातले गेले आहेत तेथेही निर्णय घेण्यात येईल.
Subscribe
