मुक्तपीठ टीम
देशभर कोरोनाच्या दुसऱ्या लाटेत ऑक्सिजनच्या तुटवड्यामुळे अनेक रुग्णांनी आपला जीव गमवला आहे. ऑक्सिजनची कमतरता दूर करण्यासाठी राज्य आणि केंद्र सरकार शर्थीचे प्रयत्न करीत आहे. यालाच हातभार म्हणून रवीना टंडन, सुष्मिता सेन यांसारखे अनेक सेलिब्रिटी ऑक्सिजन सिलिंडर आणि कॉन्संट्रेटर गरजूंना पुरवित आहेत. यातच आता बॉलिवूडचा भाईजान सलमान खानने गरजूना मोफत ऑक्सिजन मिळण्यासाठी हेल्पलाईन नंबर जारी केला आहे. सलमान खानने एका पोस्टला रि-पोस्ट करुन ही माहिती दिली आहे.
View this post on Instagram
सलमानने केलेल्या पोस्टमध्ये काय?
- सलमान खानने शेअर केलेल्या इंस्टाग्राम पोस्टमध्ये लिहिले आहे की, आमचे ५०० कॉन्संट्रेटर मुंबईत पोहचले आहेत.
- ज्या कोरोना बाधितांना तात्काळ ऑक्सिजनची आवश्यकता असेल तर ते 8451869785 या नंबरवर संपर्क करु शकता किंवा टॅग किंवा डीएम करुही ऑक्सिजन संबंधित माहिती देऊ शकता.
- या उपक्रमाद्वारे मोफत कॉन्संट्रेटर देण्यात येणार आहेत.
- तसेच हे कॉन्संट्रेटर वापल्यानंतर परत करा अशी सूचनाही देण्यात आली आहे.
- या पोस्टला सलमानने @zeeshansiddique आणि @babasiddiqueofficial ला टॅग केले आहे.
- अशी माहिती समोर येत आहे की, या उपक्रमात सलमान काँग्रेसचे आमदार बाबा सिद्दीकी आणि त्यांच्या मुलगा झीशान सिद्दीकी यांच्यासोबत सहभागी आहे.
Subscribe
