प्रियांकानंतर निकचेही भारतासाठी मदतीचे आवाहन...फॅन म्हणाले थँक यू जिजू!

मुक्तपीठ टीम

कोरोनाच्या दुसऱ्या लाटेने भारताला हादरवले आहे. एकाच वेळी कोरोनाची रुग्णसंख्या प्रचंड वाढत असल्याने साधनं कमी पडत आहेत. त्यामुळे कोरोनाशी लढण्यासाठी भारताला मदत करण्याचे आवाहन जागतिक स्तरावर अनेक सेलिब्रिटीही करत आहेत. गेल्या काही दिवसांपासून बॉलिवूड आणि हॉलिवूडची लोकप्रिय अभिनेत्री प्रियांका चोप्रा इतर देशांना भारतातील लोकांना मदत करण्याचे आवाहन करीत आहे. आता तिचा नवरा निक जोनसनेसुद्धा आपल्या चाहत्यांना आणि फॉलोअर्सना भारताला मदतीचा हात पुढे करण्याचे आवाहन केले आहे. त्याला भारतीय चाहत्यांनी झटपट धन्यवादही दिले आहेत. ते देताना फॅन्स म्हणालेत…थँक यू जिजू!

प्रियांका आणि निक आपल्या प्रियांका चोप्रा फाउंडेशनमार्फत भारतात जेवढी मदत करता येईल तेवढी करत आहेत. भारताला अधिक सबळ करण्यासाठी त्यांनी आता चाहत्यांना साद घालण्यास सुरुवात केली आहे.

निकने शेअर केलेल्या पोस्टमध्ये काय?

निक जोनेस ने आपल्या इंस्टाग्राम अकाउंटवर एक पोस्ट शेअर केली आहे.
या पोस्टमध्ये त्यांनी लिहिले की, भारताला आपल्या मदतीची गरज आहे.
आपण जी काही मदत करु शकता ती कृपया भारताला करा.
आय लव यू इंडिया…

View this post on Instagram

A post shared by NICK JONɅS (@nickjonas)

प्रियांकाने व्हिडीओद्वारे केली मदतीची मागणी

प्रियांका सध्या लंडनमध्ये आहे.
तिने तिच्या इंस्टाग्राम व्हिडीओमध्ये ग्लोबल कम्युनिटीला आपल्या देशाला पाठिंबा देण्यासाठी विनंती केली आहे.
तसेच तिने या व्हिडीओत म्हटले आहे की, आपल्याला काळजी घेण्याची गरज आहे.
मी लंडनमध्ये असल्याने इथे बसून भारतातल्या स्थिती विषयी कुटुंबांतील सदस्य आणि मित्रांकडून ऐकत आहे.
कुठे ऑक्सिजनची कमतरता आहे, तर कुठे बेड्स नाहीत. आयसीयूत जागा नाही, रुग्णावाहिका व्यग्र आहेत, मृत्यूचे प्रमाण वाढल्याने स्मशानभूमी आपूरी पडत असून प्रेतांची गर्दी आहे.
भारत हे माझे घर असल्याने तेथील परिस्थिती पाहून हृदय पिळवटून येत आहे.
तसेच कोरोना केअर सेंटर्स, आयसोलेशन सेंटर्स, ऑक्सिजन प्लांट्स आणि वैद्यकीय उपकरणांसाठी पैसे उभे करत असल्याचेही तिने सांगितले आहे.