मुक्तपीठ टीम
भारतीय रेल्वेने गेल्या आर्थिक वर्षात म्हणजे २०२०-२१ मध्ये केलेली भंगार विक्री आतापर्यंतची सर्वाधिक विक्री आहे. या विक्रीतून भारतीय रेल्वेला २०२०-२१ या आर्थिक वर्षात झालेली ४५७३ कोटी रुपयांची कमाई २०१९-२० मधील म्हणजे गेल्यावर्षीच्या ४३३३ कोटी रुपयांच्या तुलनेत ५.५% नी जास्त आहे.
आतापर्यंतच्या सर्वाधिक म्हणजे २००९-१० मधे झालेल्या ४४०९ कोटी रुपयांच्या विक्रीच्या तुलनेतही ही विक्रि जास्त आहे. सर्व उपलब्ध संसाधने वापरून भंगार माल जागेवरून उचलून ई-लिलावाच्या माध्यमातून त्याची विक्री करणे यावर रेल्वेने मेहनत घेतली.
सेवा न देणारा/ जुना झालेला माल वेगळा करून त्याची विक्री करणे ही रेल्वे विभागात सतत सुरू असणारी प्रक्रिया आहे आणि विभागीय रेल्वे तसेच रेल्वे मंडळाकडून तिची उच्चस्तरीय देखरेख होते. भंगार माल त्या त्या ठिकाणहून आणून त्याची ई-लिलावाद्वारे विक्री करणे यावर रेल्वे व्यवस्थापन सर्व मेहनत घेते. सर्वसाधारणतः उभारणीच्या प्रकल्पातील गेज बदलण्याच्या कामात जास्तीत जास्त भंगार निर्माण होतो. यातील काही कायमस्वरूपी घटक हे रुळांवर पुन्हा वापरण्याजोगे नसतात. रेल्वेच्या लिखीत तरतुदींनुसार असा माल निकालात काढला जातो.
आकड्यांमध्ये भंगारविक्रीचा विक्रम
- भंगार विक्रीतून भारतीय रेल्वेने २०२०-२१ या आर्थिक वर्षात केली ४५७३ कोटी रुपयांची कमाई
- गतवर्षीच्या ४३३३ कोटी रुपयांच्या विक्रीच्या तुलनेत आताची विक्री ५.५ % नी जास्त
- सर्व उपलब्ध संसाधनांचा वापर करत भंगार माल जागेवरून हलवून ई-लिलावाच्या माध्यमातून विक्री करण्यावर रेल्वेने मेहनत घेतली
Subscribe
