सिडको मेट्रो प्रकल्पाच्या मार्ग क्र. १ च्या अंमलबजावणीचे काम महामेट्रोला देण्यात आले आहे. सिडकोचे उपाध्यक्ष आणि व्यवस्थापकीय संचालक डॉ. संजय मुखर्जी यांनी हा निर्णय जाहीर केलाय.
मार्ग क्र. १ वरील उर्वरित कामे पूर्ण करण्याचे काम यापुढे महामेट्रो करणार आहे. नवी मुंबईतील सार्वजनिक वाहतूक व्यवस्था अधिक सक्षम करण्याच्या उद्देशाने सिडको नवी मुंबईमध्ये मेट्रो प्रकल्प साकारत आहे. मार्ग क्र. १ वर सप्टेंबर २०१९ मध्ये मेट्रोची चाचणी यशस्वीरीत्या पार पाडण्यात आली होती. मात्र, पुढे ११ स्थानकांपैकी १ ते ६ स्थानकांच्या उभारणीचे काम काही तांत्रिक कारणांमुळे तसेच कोरोनामुळे उद्भवलेल्या स्थितीमुळे अपेक्षित गतीने होत नव्हते.
यामुळे सदर मार्गावरील उर्वरित कामे लवकरात लवकर पूर्ण करण्याची जबाबदारी महामेट्रोवर सोपवण्यात आली आहे.
Subscribe
