बॉलिवूडमध्ये सध्या आउटसाइडर व इनसाइडर असे वाद पाहण्यास मिळतात आहेत. विदेशी कलाकार भारतात येऊन जास्त भाव खातात अशी देशी कलाकारांची तक्रार असते. त्यामुळे भारताबाहेरून आलेले आणि भारतातील कलाकारांमध्ये वाद निर्माण होत असतात. या वादात सनी लियोनी हिने उडी मारली आहे. सनी ilaयोनी ही तिच्या सौंदर्यामुळे, टॅलेंट आणि हॉट अंदाजामुळे देशाविदेशातील प्रेक्षकांची मने जिंकुन घेतली आहेत. बॉलिवुडमध्ये ती आउटसाइडर असुन देखील तीने स्वत:ची ओळख स्वत:च्या हिंमतीवर केली. इनसाइडर व आउटसाइडर या वादावर तिनंही आपलं मत मांडलंय, “भारतातील लोक अमेरिकेतील लोकांपेक्षा खुप चांगले आहेत. ते कधीच मला आउटसाइडर प्रमाणे वागवत नाहीत”.
सनीला इंडस्ट्रीमध्ये येऊन 8 वर्षे झाली. या काळात अनेक बदल झाले. तिच्या मते, “तुम्ही आउटसाइडर असो वा इनसाइडर भारतात भरपूर काम आहे. इथे तुम्ही स्वत:चा रस्ता स्वत: बनवू शकता. तिला इथे भरपूर चांगली माणसं भेटली.”
ती म्हणते, “मी भारतात तशी आउटसाइडर आहे. मात्र आयुष्यात माझे निर्णय मीच घेतले. मला लोकांना ओळखायला खुप वेळ लागला. आता तिला भारतात आउटसाइडर असल्यासारखे मुळीच वाटत नाही. भारतातील लोक अमेरिकेतील लोकांपेक्षा खुप वेगळे आहेत असे ती म्हणाली.”
सनीच्या कामाबद्दल बोलायचे झाल्यास लवकरच ती “बुलेटस्” या वेबसिरीजमध्ये करीश्मा तन्नासोबत दिसणार आहे. नुकताच या वेबसिरीजचा ट्रेलर लॉंच झाला. या ट्रेलर ला प्रेक्षकांचा भरपूर प्रतिसादसुद्धा मिळत आहे. या सिरीजचे दिग्दर्शन देवांग ढोलकियाने केले असून ही सिरीज एमएक्स प्लेअरवर रिलिज होणार आहे.
Subscribe
