ऑक्टोबरपासून नवी कामगार संहिता...बारा तास काम?

मुक्तपीठ टीम

भारतात आतापर्यंत आठ तास हे कामाचे कायदेशीर तास होते. आता मात्र ते वाढून १२ तास होऊ शकतात. कारण केंद्र सरकार १ ऑक्टोबर २०२१ पासून नव्या कामगार संहितेची अंमलबजावणी सुरू करण्याची शक्यता आहे. केंद्र सरकार आणि कामगार मंत्रालयाला १ ऑक्टोबरपासून कामगार संहितेचे नियम अधिसूचित करायचे आहेत. नवीन मसुदा कायद्यामध्ये कामाच्या तासांमध्ये बदल होणार आहे. तसेच याशिवाय, भविष्य निर्वाह निधी म्हणजेच पीएफ आणि सेवानिवृत्तीचे नियम बदलणार आहेत. जाणून घेऊया कोण-कोणते बदल होणार आहेत.

१२ तास काम करावे लागणार

नवीन मसुदा कायद्यामध्ये, कामाचे जास्तीत जास्त तास वाढवून १२ करण्याचा प्रस्ताव मांडण्यात आला आहे.
१५ ते ३० मिनिटांच्या दरम्यान अतिरिक्त काम हे ३० मिनिटांसाठी ओव्हरटाइम म्हणून मोजण्याची तरतूद आहे.
सध्याच्या नियमानुसार, ३० मिनिटांपेक्षा कमी वेळ ओव्हरटाइमसाठी पात्र मानले जात नाही.
लेबर कोडच्या नियमांनुसार कंपनीला कर्मचाऱ्यांकडून सलग पाच तासांहून अधिक काळ काम करून घेता येणार नाही.
पाच तास सलग काम केल्यानंतर कर्मचाऱ्यांना काही वेळ ब्रेक द्यावाच लागेल.

पगार कमी होईल आणि पीएफ वाढेल

या नवीन मसुद्यातील मूळ वेतन एकूण पगाराच्या ५० टक्के किंवा अधिक असावे.
यामुळे बहुतेक कर्मचाऱ्यांच्या वेतन रचनेत बदल होईल. मूळ पगारामध्ये वाढ झाल्यामुळे, पीएफ आणि ग्रॅच्युइटीसाठी कापलेली रक्कम वाढेल कारण यात शिकलेले पैसे मूळ पगाराच्या प्रमाणात आहेत.
असे झाल्यास, तुमच्या घरी येणारा पगार कमी होईल, निवृत्तीनंतर पीएफ आणि ग्रॅच्युइटीचे पैसे वाढतील.

सेवानिवृत्तीनंतर अधिक पैसे मिळणार

ग्रॅच्युइटी आणि पीएफमध्ये योगदान वाढल्याने सेवानिवृत्तीनंतर मिळालेल्या रकमेमध्ये वाढ होईल.
पीएफ आणि ग्रॅच्युइटी वाढल्याने कंपन्यांचा खर्चही वाढेल.
याचे कारण कंपन्यांना कर्मचाऱ्यांसाठी पीएफमध्ये जास्त योगदान द्यावे लागेल.
या गोष्टींचा कंपन्यांच्या ताळेबंदावर परिणाम होईल