मुंबई लोकल खऱ्या अर्थानं ठरली ‘लाइफ लाइन’! मूत्रपिंड, यकृताचा कल्याण-दादर प्रवास!!

मुक्तपीठ टीम

मुंबईची लोकल रेल्वे ट्रेन सेवा म्हणडे मुंबईची लाइफ लाइन मानली जाते. या लाइफ लाइनने प्रत्यक्षात लाइफ लाइनचे काम नुकतेच केले. मध्य रेल्वेच्या लोकल ट्रेनद्वारे यकृत आणि मूत्रपिंड हे एका रुग्णालयातून दुसऱ्या रुग्णालयात यशस्वीरीत्या पोहोचवण्यात आले आहे. हे दोन्ही अवयव ठाणे जिल्ह्यातील कल्याण स्थानकातून रेल्वेने दादर रेल्वे स्थानकावर नेण्यात आले. एका ठिकाणाहून दुसऱ्या ठिकाणी पोहोचण्यास त्यामुळे फक्त एक तास सात मिनिटे लागली.

Fortis Hospital Kalyan to Global Hospital Parel in just 67 minutes, its possible only with Indian Railways. pic.twitter.com/fLeKjBRgOG

— Central Railway (@Central_Railway) September 16, 2021

अवयव प्रत्यारोपणासाठीची टीम सेंट्रल रेल्वे

• ब्रेन डेड दात्याचे मूत्रपिंड आणि यकृत कल्याणमधील एका खासगी रुग्णालयातून परळ येथील रुग्णालयात हलवण्यात आले.
• मानवी अवयव एका ठिकाणाहून दुसऱ्या ठिकाणी नेण्याच्या या टीममध्ये डॉक्टरांव्यतिरिक्त, रेल्वे संरक्षण दलाचे (आरपीएफ) जवान, कल्याण आणि दादर रेल्वे स्टेशनचे मास्टर आणि काही कर्मचारी यांचा समावेश होता.

Officers & Staff of Team CR coordinated transportation of Liver and Kidney of a brain death donor by the quickest & safest mode of transport, Mumbai Local Train “Lifeline of Mumbai” from Hospital in Kalyan to Hospital in Parel for transplant. pic.twitter.com/lG42AtKLI7

— Central Railway (@Central_Railway) September 16, 2021

लाइफ लाइनच्या टीमने असे केले काम

• स्टेशनवर उपस्थित आरपीएफ जवानांनी गर्दी हटवण्याचे काम केले.
• टीम सेंट्रल रेल्वेच्या अधिकारी आणि कर्मचाऱ्यांनी ब्रेन डेड दात्याचे यकृत आणि मूत्रपिंड एका ठिकाणाहून दुसऱ्या ठिकाणी नेण्याची पूर्ण व्यवस्था केली होती. मध्य रेल्वेनेही आपल्या ट्वीटद्वारे फोटो शेअर केला आहे.
• मध्य रेल्वेने शेअर केलेल्या फोटोमध्ये डॉक्टर, आरपीएफ जवान आणि इतर दिसत आहेत.
• २०१९ च्या सुरुवातीलाही रेल्वेने ठाण्यापासून दादरपर्यंत यकृत नेण्यास मदत केली होती.